ХИЧЭЭЛ 11

Урам зоригтой ярих

Ром 12:11

ТОВЧ АГУУЛГА: Сонсогчдынхоо сэтгэлийг хөдөлгөж, зоригжуулахын тулд урам зоригтой яриарай.

Сэтгэлээ хөдөлтөл бэлдэх. Яриа тань хэр чухал болохыг эргэцүүлэн бодоорой. Чин сэтгэлээсээ ярихын тулд материалаа маш сайн бэлдээрэй.
Сонсогчдоо бодох. Унших болон заах гэж буй зүйл тань бусдын амьдралд ямар хэрэгтэйг эргэцүүлээрэй. Яаж яривал сонсогчид сонссон зүйлээ үнэлж эрхэмлэх сэтгэлтэй болох вэ гэдгийг бодоорой.
Чин сэтгэлээсээ ярих. Сэргэлэн цовоо яриарай. Хэрэв чин сэтгэлээсээ ярихыг хичээвэл дохио зангаа, нүүр царай тань таны сэтгэлийг аяндаа илэрхийлнэ.

Нэг дохио зангааг дахин дахин ашиглавал сонсогчдын анхаарлыг сарниулах аюултай. Яриандаа тохирсон дохио зангаа ашиглаарай. Бусдыг үйл хэрэгт уриалсан хэсгийг болон гол санааг л урам зоригтой яриарай. Яриагаа эхнээс нь дуустал хэтэрхий эрч хүчтэй ярьж сонсогчдоо ядрааж болохгүй.