«Ехова бол миний Хоньчин»

1. Ехова бол миний Хоньчин

Хэнээс ч, юунаас ч би айхгүй

Хонин сүргээ хайрладаг Бурхан

Хэнийг ч, хэзээ ч мартахгүй

Дөлгөөн ус руу намайг хөтөлж

Тамир тэнхээг минь сэргээнэ

Замыг минь зааж, нэрийнхээ төлөө

Зөв жимээр намайг залдаг

Замыг минь зааж, нэрийнхээ төлөө

Зөв жимээр намайг залдаг

2. Харанхуй хөндийг туулахдаа

Халгаж би зүрх алдахгүй

Агуу Хоньчин минь үргэлж дэргэд

Аюулаас хамгаалж хөтөлнө

Тансаг ширээг надад засаж

Толгойг минь та тосолдог

Өршөөл хайрыг тань үүрд хүртэхсэн

Өргөөнд тань би мөнхөд сууя

Өршөөл хайрыг тань үүрд хүртэхсэн

Өргөөнд тань би мөнхөд сууя

3. Мэргэн, халамжтай Хоньчиндоо

Магтаалыг өргөн дуулъя

Хайрын Бурхны тухай сайн мэдээг

Хонь мэт хүмүүст би дуулгая

Таны Үгийг үнэнч сахья

Таны замд тууштай явъя

Халамжит Хоньчин, агуу Бурханд

Хайраар үйлчилж талархъя

Халамжит Хоньчин, агуу Бурханд

Хайраар үйлчилж талархъя