Шагналаа харж явъя!

1. Харахын сайхныг сохор нь үзнэ

Сонсохын баярыг дүлий нь эдэлнэ

Аагим цөл сарнай мэт дэлгэрч

Ангасан газраас ус ундарна

Доголон хүн буга мэт дүүлэн цойлж

Дахин хагацлыг хэн ч үзэхгүй

Ивээл хишгээ Бурхан хүртээнэ

Итгэлээр шагналаа харж явъя

2. Зүрхний үгээ хэлгүй нь ярина

Залуу үедээ хөгшин нь буцна

Газрын шим бүгдэд элбэг хүрч

Гай зовлонг хүмүүс үзэхгүй

Хүүхдийн инээд агаарт цангинана

Хүний амьдрал тэнүүн сайхан

Амилаад босох нэгнээ угтана

Амласан шагналыг харж явъя

3. Бэлчээрт идээшлэх хонь чоныг

Балчир хүү ганцаар хариулна

Тэнгэрийн наран ээх налгар талд

Тугал баавгайтай хамт хэвтэнэ

Урсах нулимс, нэрвэх зовлон

Урьдын бүх юм өнгөрөн одно

Энэ бүхнийг Бурхан биелүүлнэ

Итгэлээр шагналаа харж явъя