Хариуг мэдэх нь яагаад чухал вэ?
Бүтээгч байдаг эсэхийг мэдэх нь яагаад чухал вэ? Бүтээгч байдаг гэсэн нотолгоо танд үнэмшилтэй санагдсан бол Библи Бурхны Үг гэдгийг нотлох баримтыг бас шалгаж үзээрэй. Библид бичсэн зүйл үнэн гэдэгт итгэвэл дараах ач тусыг хүртэнэ.
Амьдрал утга учиртай болно
БИБЛИД ЮУ ГЭЖ БАЙДАГ ВЭ? «[Бурхан] та нарыг сайн сайхан байлгахын төлөө ихийг хийж, ... тэнгэрийн хур бороо, ургац арвин улирлыг хайрлаж, та нарыг хоол ундаар элбэг дэлбэг хангаж, баяр хөөртэй байлгадаг» (Үйлс 14:17).
ЮУ ГЭСЭН ҮГ ВЭ? Үзэсгэлэнт байгалийн түмэн гайхамшиг бол Бүтээгчийн маань өгсөн бэлэг юм. Бурхан танд ямар их санаа тавьдгийг мэдвэл та бүр ч их талархах биз ээ.
Амьдралд тустай зөвлөгөөг олно
БИБЛИД ЮУ ГЭЖ БАЙДАГ ВЭ? «Зөв болон шударга явдал, цэх шулуун байдал ба сайн сайхан зам болгоныг чи ухаарах болно» (Сургаалт үгс 2:9).
ЮУ ГЭСЭН ҮГ ВЭ? Таныг бүтээсэн Бурхан жаргалтай амьдрахад тань юу хэрэгтэйг мэддэг. Та Библи судалбал өдөр тутмын амьдралд тустай олон зүйлийг мэдэж авна.
Асуултынхаа хариуг олж авна
БИБЛИД ЮУ ГЭЖ БАЙДАГ ВЭ? «Бурханы мэдлэгийг олж авна» (Сургаалт үгс 2:5).
ЮУ ГЭСЭН ҮГ ВЭ? Бүтээгч байдгийг мэдсэнээр «Амьдралын утга учир юу вэ? Яагаад өчнөөн их зовлон байна вэ? Хүн үхээд яадаг вэ?» гэх мэт чухал асуултуудын хариуг олно.
Ирээдүйгээ итгэлтэйгээр харна
БИБЛИД ЮУ ГЭЖ БАЙДАГ ВЭ? «“Та нарт зориулж байгаа төлөвлөгөөнүүдийг Би мэдэх бөгөөд тэдгээр нь та нарт ирээдүй ба найдварыг өгөхийн тулд гай гамшгийн бус, сайн сайхны төлөөх төлөвлөгөөнүүд юм” гэж ЭЗЭН тунхаглаж байна» (Иеремиа 29:11).
ЮУ ГЭСЭН ҮГ ВЭ? Бурхан ирээдүйд муу муухай явдал, зовлон зүдгүүр, бүр үхлийг хүртэл устгахаа амласан. Энэ амлалтад итгэвэл амьдралд тань юу ч тохиолдсон зоригтойгоор даван туулна.