Сэтгэл зүрхээ бэлдэх нь

Бид Еховагийн үзэл бодол сэтгэл зүрхэнд минь нөлөөлөөсэй гэж бодоод Библиэ судалдаг. Езра «Еховагийн хуулийг судл[ахын] тулд сэтгэл зүрхээ бэлдсэн» нь дуурайвал зохих жишээ юм (Езр. 7:10, ШЕ, зүүлт). Хэрхэн бэлдэх вэ?

Залбирах. Судалж эхлэхээсээ өмнө залбираарай. Сайн ойлгож, мэдэж авснаа хэрэгжүүлэхэд туслахыг Еховагаас гуйгаарай (Дуу. 119:18, 34).

Даруу байх. Өөрийгөө ухаантай гэж боддог бардам хүмүүсээс Бурхан үнэнийг нуудаг (Лук 10:21). Мэдэж авснаа гайхуулах зорилгоор судлахаас зайлсхийгээрэй. Бурханд таалагдахгүй бодол, хандлагатайгаа анзаарсан бол өөрчлөгдөхийн тулд даруу байгаарай.

Хаант төрийн дуу сонсох. Дуу хөгжим их нөлөөтэй. Тиймээс судлахаасаа өмнө дуу сонсох нь анхаарлаа Еховад хандуулахад тустай бөгөөд улмаар мэдэж авсан зүйл сэтгэл зүрхийг илүү их хөдөлгөж болох юм.