Mabasa baani enapariwa oFiliyale?

Addibila Obeteli enalaba departamento dhohiyana-iyana, esamalelaga mabasa olaleya a elabo modha obe dhilabo dhowinjhiva. Aliwa podi okavihera mabasa otapulela, wapida malivuru, wasamalela malivuru, amodha enakavihera ogaravari awudiyu ni vidiyu, ni mabasa mamodha a kadda murudda.

Komisawu ya Filiyale enowasogolela mabasa. Nikuru Nolamulela nnororomela osogolela wa kadda Komisawu yo Filiyale, aliwa enakala anamaholela mulogo oofwanelela araru obe okwaranya. Komisawu eyo enovahedha Relatoriyu Nikuru Nolamulela nnawoga makalelo enedda mabasa a kadda elabo enaholeliwa ni makathamiho bi makathamiho enniwana. Relatoriyu eyo enokavihera Nikuru Nolamulela wubuwelela muselu dhinakume mmalivuruni, mmutugumanoni, ni vamusonkanoni. Anamasogolela a Nikuru Nolamulela, enowaredhela kadda Filiyale ni enoovaha dhoholela Komisawu ya oFiliyale dhinawoga makalelo oweddiha mabasa ewa. (Provérbios 11:14) Ddibila arumiwe nNikuru Nolamulela onowoga mwaha wavayekiwa, mwaha oyo onegeredhiwa wi walibihe ale enakala murudda wa Filiyale yele.

Dhinokaviheriwa mulogo. Addibila enna mutholo oFiliyale enowenya wi dhitiwe mulogo dhixa. Ehikalawo addibila amodha enasogolela mabasa apiyonero, a misiyonariyu, anamaholela oweeddedda, ni addibila amodha enakavihera murudda wa oFiliyale. Aliwa enowegeredha musonkano, musonkano wa malabo mararu, enosogolela mabasa omaga Nyumba Dhomwene ni mabasa ovahedha malivuru kadda mulogo. Mabasa atene enapariwa oFiliyale enokavihera wakwaneliha mabasa olaleya muthenga wapama mowegeredheya. — 1 Coríntios 14:33, 40.

• Komisawu ya oFiliyale enakavihera addi Nikuru Nolamulela?

• Mabasa baani enapariwawo oFiliyale?