Nnande addi osamalela Nyumba dhehu Dhomwene?

Kadda Nyumba Yomwene ya Anamona a Yehova vinolebiwa ndina nootxena na Mulugu. Bu mwahaya gari enlubale ni sathima owomihedha ni osasanyedha wi dhikalege dhapamadhene. Athu atene podi okavihera.

Mutugumano dhamala okavihere oxela. Kadda mutugumano wamala addibila ni arogola enoxela ni enowomihedha Nyumba Yomwene nuuhagalala. Kadda sumana onowegeredhiwa oxela nthaddo natene. Namaholela mulogo obe mudhari ookavihera enowasogolela mabasa oxela, oliyeya anolabihedha lista na mabasa. Yafuneyaga, kadda muthu podi okavihera mabasa ninga oxela, osuwa, otata nthubi, osasanyedha mpaddo, osuwa okasadibayu, ofufuta majanela ni maviduru, orahila lixu, oxela nthaddo natene na Nyumba yomwene ni omusamalela jardi. Kadda yaka nnosakuliwa labo nimodha wi vixeliwe va Nyumba Yomwene yatene. Anamwani yakaviheraga, enohudhera oriha mburo wehu wowebedha. — Eclesiastes 5:1.

Okavihere owomihedha Nyumba Dhomwene. Yaka dhatedhene enowegeredhiwa wi osasanyedhiwe ode ni muwari mwa Nyumba Yomwene. Wegeredha ngo, enowomihedhiwesa Nyumba Dhomwene wi dhikalege dhapamadhene, ndo dhinovugula ononga korowa dhowinjhiva. (2 Crónicas 24:13; 34:10) Nyumba Yomwene yapamene ni yowomelene mburo wofwanelela omukokorelamo Mulugu ehu. Mwaha wokavihera wa mabasa ala, nnotonyihedha odhivela wehu ni Yehova ni mburo anakokoreliwiye. (Salmos 122:1) Eyo enototela owogiwa pama vamuruddani. — 2 Coríntios 6:3.

• Mwahaya bwaddi nihinafunihu opwasa mburo dhehu dhowebedha?

• Wi Nyumba Yomwene ekalege yapamene enahoweleya wera ddi?