Onande Addi Okala Namalaleya Apama​—Walebe makarta apama

EKALELE DDI YOFUNEYA: Makarta alembe murumiwi Pawulo alibihagana addibila eri 14. Karta nimodha di 1 Coríntios. Muthu alebaga karta onopwasedha pamadhene onafuniye oleba. Emodhaya sowi: muliba wakela podi wilerigi dila dhowinjhivadhene. Oleba karta, makalelo apama oowalaleya amudhi ni athu nalemelihu. Enonikavihera owoga naathu nihinawedhihu wagumanana. Motajhiha, malabo amodha mwanamurala podi wi onoofuna ohudhera madhu a Mulugu, mbwenye ennarusa onfwanya vaade. Murudda onakaliwe, poddi wera athuya enakala nyumba dhodhulu, nyumba dhisireliwe, obe enakala othemba. Nihinathi oleba karta, thabwa-thabwa naamulebelaga muthu nihimunonilihu, nrajhihe wubuwela ddi?

ONANDE ADDI:

• 

  Olebe yele wawogiwe ahere ogumana ni muthuya. Omambelelowene osorihe ndinanawo, ni mwahaya bwaddi omulebelaga karta. Wamala, podi oleba nikoho nnamuthukule murima obe omwaddele avolowe mu Site jw.org. Omwaddele ohudhera wa Bibliya mwinternetini obe ohudhera wa Bibliya vaadevaye. Podi owoga musolo mmodha obe minli dha livuru nomuhudherana Bibliya. Wafuna, poddi othukula kartawu novolowana mu Site, conviti obe folyethu otaganyihedhe ni kartana.

• Kuwinjhivihe dhowoga. Kartana kanithabwe olapa, nnaadhe nimunyonye maliba wileri.— Osugwe epaddi 8 woone makalelo ooleba karta.

• Wamala oleba wileri, woone akala nolebeya pama, ni akala thokweya wonelamo. Okale muthu oovevuwa, olibiha ni ooriha. Ohele selu vamburoniviwa. Orabelaga omuliviha mwanamurala.