Kavelela mudhidhi wawo ni kopolo dhawo?

Izayiya ohufiyedha ovuhulela wodhela dhithu dhaapadduwe nnikuru na Yehova veelaboni yavati. (Is 54:2) Peeno nnohowela omaga Nyumba Dhomwene, Nyumba dha Musonkano, ni wunnuwiha Beteli. Nyumba ndha dhamala omagiwa, dhinohoowela osamaleliwa. Malabo mamodha dhinohoowela ovenyihedhiwa. Mudhidhi yoyo, nnokanna ofuru wovelela wa Yehova kopolo dhehu ni mudhidhi wehu. Ki vano enahoweleya nere ddi?

• Nikuru nehu nammalaleyelo nasakuliwa oxela obe osamalela Nyumba Yomwene, niivelele

• Niivelele wihina nxagihiwe makalelo oosamalela Nyumba Yomwene

• Nlebe petisawu ya Mabasa oomaga Nyumba Dhomwene (DC-50) wihina nikavihere vamwerini, vayakani obe wihina nikavihere oosamalela Nyumba Dhomwene waddamela owanihu

• Nlebe petisawu Yowivelela mudhidhi vang’ono (A-19) podi olaba sumana modha obe okwaranya oBeteli obe mburo mmodha elabo yowanihu

OSUGWE VIDIYU MABASA OOMAGA NYUMBA EXA ENNA WEEDDA—OGWADDELA, WAMALA WAWAKULE MAKOHO ALA:

• Mwahaya bwaddi peeno dhisasanyiwaga vidiyu dhowinjhiva?

• Wihina vidiyu ndha dhisasanyiwegeve mabasa baani enapariwa ovanene? Ki enaamale alini?

• Addibila enivelele enaalabihedhiwe addi?

• Mwahaya bwaddi sapama oleba petisawu (DC-50) wihina naakavihere mabasa enapariwa elabo yehu nihinathi odhowa okavihera o Ramapo? 

• Mwahaya bwaddi kannanganyedha wihina Yehova “dinasogolela” mabasa ala?

• Nnawedhe addi wakavihera mabasa ala oomaga, naari nigari wolapelawene?