Ababi, enonelo enowaabarela anamwani

Iyo nnakala elabo enahudhiha wihina yapama sabure, yabure sapama. (Is 5:20) Yowukulihaya sowi athu owinjhiva enowerana dhithu dhinamutakalela Yehova, ninga ogonihana alobwanave obe ahiyanave. Podi wera akwihu ooskola obe athu amodha enitujelege watajhiha dhithu dhineriwana. Onaawedhe addi wakavihera anawo ogonjhiha yoweha ninga yela?

Wakavihere anawo wanona malagano owogowa a Yehova. Eyo enere wabarela aliwa. (Le 18:3) Vang’ono-vang’ono wahudhihe anawo ele anawoga Bibliya wodhela ogonihana, owoge muselu oniwanana ni yaka anna mwanawo. (De 6:7) Wikohe: ‘Gihimuhudhiha mwanaga ele eri yabure ni yapama ninga waahidda obe ohiddiwa mabele, mathawo ni enana? Obe ekaleleddi yapama owara yowara enakuneela mwiili waatene ni ohimwihiya muthu ombidabida bure-bure?’ Anawo podi orabela dhithu dhendha wahudhiha kale. (Pr 27:12; Ec 7:12) Wilibihera wahudhiha anawo onere woniha wihina onnavaha thima nvaho yola wa Yehova. — Sal 127:3.

OSUGWE VIDIYU, OMAGE NYUMBA YOOTIBELEYA NI YOOLIBA — WAABARELE ANAWO “WODHELA DHITHU DHABURE”, WAMALA WAWAKULE MAKOHO ALA:

• 

  Mwahaya bwaddi ababi amodha ekannaga manyazo owoga naaliwa wodhela ogonihana?

• 

  Mwahaya bwaddi sapama ababi waalela aniwa ‘ni malagano a Yehova’? — Ef 6:4

• 

  Malivuru baani obe vidiyu baani dha nikuru na Yehova, ababi enafuniiwa walabihedhaga wihina yahudhihe aniwa wodhela ogonihana? (Sentinela 05/19 epaddi 12, kwaduru)

• Mwahaya bwaddi sapama ababi othapanyaga naniwa, ohiya ojheha egapadduwe ethu vano wera eyaa, kasusedha vala?