Wabarele matelo awo

Vamentoni va Yehova, matelo kahi ovudhuwa. Oliye anafuna wihina mulobwana ni mwihiyana yatelana ekale oororomeleya mmodha ni mukwaye. (Mt 19:5, 6) Anamatelana owinjhiva a munikuruni mwa Yehova ehikanna matelo oohagalala. Mbwenye matelo atene ehikanna makathamiho, mwaha kayiwo matelo oologomana. Athu a mwilaboni enona wihina omwihiya obe omwalana ni mwariye obe ni mamune, makalelo oomariha muladdu vamateloni. Mbwenye iyo ninga makiristawu kanikale ndo. Ki anamatelana enande addi wabarele matelo ewa?

Kabeni noone thalo tanu dhinaakavihere.

1. Obarele murima wawo, orabele dhithu dhinaakwerebeyiha matelo ninga ogaya ni woona dhithu dhamararuwo. — Mt 5:28; 2Pe 2:14.

2. Olibihe wandana wawo ni Yehova, wilibihere okanna matelo enamuhagalasa. — Sal 97:10.

3. Odidele owara emuthu exa, wubuwele dhithu onafuniwe omwerela mamuno obe mwariyo wihina omuhagalase. — Col 3:8-10, 12-14.

4. Sapama othapanyedha nuuriha muselu dha vati vamurima. — Col 4:6.

5. Onvahege dhithu anahowela mamuno obe mwariyo nuudhivela. — 1Co 7:3, 4; 10:24.

Yehova daapadduse matelo. Naaweddihaga pama matelo ehu, nnere omuthithimiha Yehova.

OSUGWE VIDIYU NTHAMAGE NUUVILELA — WAWIWELELE MALAMULO OOTHAMAGA, WAMALA WAWAKULE MAKOHO ALA:

• 

  Makathamiho baani enakumelelavo naari mateloya egaromile pama?

• 

  Malagano baani a mBibliyani enaamukavihere ole anubuwela wi odhivela waaga ni mwaraga obe ni mamunaga wihimala?

• 

  Yehova atigiteriye malamulo baani vamateloni?

• Ethu baani mulobwana ni mwihiyana enahoweliwa werana wihina ekale oohagalala?