MWEDDELO WEHU WEKIRISTAWU
Nikuru nowiwanana nnaalaleya athu atene
Yehova ahawegeredha amwaana Ezarayeli malabo a kale. Yehova anowerana emodhave peeno nnikuru naaye. Mwaha wa yeyo, nnowedha werana efunelo yaye. Wapeela elabo yatene yavati, nihikanna Filiyale, murudda, mulogo, ni makuru ammalaleyelo enalaba vamodha wihina elaleye muthenga dhapama. Iyo nnowalaleya athu atene, naaleya enawoga ewogelo emodha. — Ap 14:6, 7.
Ohukanna efunelo yohudhera ewogelo emodha wihina omukavihere muthu ohudhera ebaribari? Akala kunna mudhidhi wohudhera ewogelo emodha, ononamo avi omulabihedha JW Language wihina ohudhere makalelo oobajha othapanya wakala mmalaleyelo murudda onawogiwa ewogelo emodha? Werana ndo, onere ohagalala ninga yaahagalale makiristawu ansaka noobajha mudhidhi yaalaleyiwa athu amalogo mamodha. Athu ale egiwale ‘muthenga wotikiniha wa Mulugu’ ni ewogelo yewa yahitikina. — At 2:7-11.
OSUGWE VIDIYU, WANDANE NI YEHOVA—OLALEYE NI EWOGELO EMODHA, WAMALA WAWAKULE MAKOHO ALA:
Apilikativo ola JW Language nimulabihedhege mudhidhi baani?
Mwapilikativoni muna onaafwanyemo ddi?
Athu a dhiwogelo dhatedhene enohowela ovuruwana muthenga dhapama
Murudda onakaliwe athu enawoga ewogelo baani?
Wamugumanana mmalaleyelo muthu anna efunelo ni anawoga ewogelo emodha enahoweleya were ddi? — Organizados epaddi 100-101 ddima 39-41