MWEDDELO WEHU WEKIRISTAWU

Wakavihere athu yahinna gereja omunona mpaddusiiwa

Ononfwanyaga muthu mmalaleyelo nuwindo we omuhiya wubuwelaga wi kanuvuruwane mwaha wi kahiyo munyagereja? Akala enowupadduwelaga kudduwale wi ehikalawo athu yahaali anyagereja ni yaharumedha wihina Mulugu ohukalawo mbwenye vano Anamoona a Yehova. Teto malabo owinjhiveene athu ninga yaala, ethu enahoweliwa fukaviheriwa vang’ono opendda wodhela dhithu dhinoniha wihina Mulugu ohukalawo. — Ro 1:20; 10:14.

OSUGWE VIDIYU KUDDIWALE: ATHU EHINNA NROROMELO PODI OKANNA NROROMELO! — ATHU YAHINNA GEREJA, YAMALA WAWAKULE MAKOHO ALA:

Yopadduwa ya Tommaso enukavihera aavi okanna moonelo wapama wodhela walaleya athu ehinna gereja?

Olebevo yowakula yawo

Onande addi?

Muthu awooga wihina kanarumedha wi Mulugu ohukalawo, nuupama woonihe wihina onoriha mubuwelo ni monelo waye wodhela muselu oyo. (2Tim 2:24) Owoge wodhela muselu onooniwe wihina onere odahinya murima waya. Oliye eere orumedha othapanyedha wodhela muselu dhathukulele athu amodha orumedha wi ohukalawo mpaddusi? Akala muthuya onorumedha, we podi olabihedha maburuxura obe vidiyu dhegeredhiwe wodhela muselu oyo. Maburuxura ninga A Vida — Teve um Criador? ni A Origem da Vida — Cinco Perguntas Que Merecem Resposta, vano enokosa epaddi dha dhipano dhehu dhohudhihana wihina ekale yokweya olabihedha.

Omambelelowene we podi woova omulaleya muthu ahinarumedha wihina Mulugu ohukalawo. Onoonamo aavi omuloba nikavihero ddibila alemele wapara pama mabasa oolaleya? Kuddiwale wihina Yehova podi onikavihera odahinya murima wa ale enna efunelo, naarive omambelelowene yahirumedhaga wihina Oliye ohukalawo. — Atos 13:48.