Ethu baani onahoweliwe ohudhera weka obe ni emudhaawo?

Iyo kannamwebedha Yehova baahi ninga nikuru nakala mmutugumanoni ni mmusonkanoni, mbwenye nnomwebedha Yehova neragana ohudhera wehu wa vayeka ni weemudhi. Vala, dhinofwanyeyavo dhoxagiha dhinukavihere werana ohudhera wawo wavayeka ni werana ohudhera weenyu weemudhi:

• Wegeredhe mutugumano dhawo. We podi wiwegeredha wihina wande wiba pama jhibo dhomwene, ni okavihera emudhaawo wiwegeredha dhowakula dhewa enafuniwa ovaha omutugumanoni.

• Wileri yopadduwa ya mBibiliyani. Voharela, we podi oleba dezenyu ya fotu onubuweliwe obe we podi oleba ethu ohudheriwe ni yopadduwa wileriwe.

• Mwileri nlobelo nnafwanyeya mBibiliyani ni muthapanyedhe wi moone makalelo nlobelona nnukaviherinyu wawomihedha malobelo enyu.

• Mwasistiri vidiyu enafwanyeya mu sayitini jw.org, mwamala muthapanyedhe obe olebele ethu ohudheriwe mvidiyuni woniliwe.

• Wiwegeredhe pama wihina wande wapara mabasa oolaleya, we podi werana eyo wodhela wixagiha pama ohunathi odhowa mmabasani oolaleya.

• Osugwa dhopaddusa ni opendda obe woona ethu enuhudhihiwa wodhela Yehova.a