Oleveleliwa wa dhothega dhehu nihinathi woboliwa

Makalelo ooleveleliwa dhothega dhehu baahi, fuudhela mukutho wowobola apelekile Yesu nnikame naye. (Efe. 1:7) Naarive dhigaali ndo, Bibiliya anawoga egi: “Mulugu . . . , mwaha woovilela waye eera walevelela dhothega yeriliwana kale.” (Rom. 3:25, nota.) Mbwenye dhandeye aavi Yehova olevelela, wula yowobola yahinathi oliviwa, teto ahalupiihe manddile aye ookala Mulugu owogowa?

Yehova ahipaganya wihina eere okalawo ‘mwaana’ aavuluse ale enna nroromelo ni Mulugu vamodha ni mpaganyo dhaye. Vamentoni va Yehova nuuwerana mpaganyo ola, yakala ninga yowobolaya ehiliviwa. (Gén. 3:15; 22:18) Yehova ahikanna ebaribari wi mudhidhi wofwanelela, mwanaye Yesu eere wipeleka wihina alive yowobola. (Gal. 4:4; Ebe. 10:7-10) Yesu agaali velaboni yavati, Yehova ahinvaha owedha wihina alevelele dhoothega, naarive yowobola yahinathi oliviwa. Yesu aalevelela athu, mwaha wihina oliye ahinona wi mukutho afuniye opeleka were okuneela dhothega dhatedhene dha ale enna nroromelo. — Mat. 9:2-6.