Ohudherege wihina othapanye ni athu amodha

Ohudhera wavayeka winonlibiha. Ohudhera wavayeka podi onivaha kopolo, mbwenye iyo podi okala oolibeene nathapanyaga naakwihu wodhela dhoviteya dhomuzimuni nifwannyihu. Va Provérbios 11:25 vinihina: ‘Ole anaahagalasa akwaye nuliyeya anere ohagalasiwa.’

Dila dhowinjhivadhene nawogaga ni athu amodha wodhela dhithu nnahudherihu, nnowanda wonelamo pamadhene ele nihudherihu ni nnowanda okoya mmurimani. Ohiya eyo, othapanya naathu amodha wodhela dhoviteya dhomuzimuni winonihagalasa vanlubale, mwaha nihinona wi yoviteya nifwanyilihu podi wakavihera akwihu. — Dho. 20:35.

Oxixe: Sumaneyo, okale mento wihina woone makalelo oowoga naathu amodha dhithu ohudheriwe. Podi owoga dhoviteya ndho ni mmudhaawo, ddibila a mmulogoni, mukwawo oomabasani obe ooskola, mwanddamani awo obe muthu onaanfwanyiwe mmalaleyelo. Osayele owoga dhithu ohudheriwe ni madhu awo mwamakalelo ookweya ni owoneleyamo.

Kuddiwale: Efunelo yawo wawogaga naathu amodha wodhela dhithu ohudheriwe ekale walibiha, ohiya watikiniha akwawo mwaha wa dhithu ohudheriwe. —1 Kor. 8:1.