Okwa wa Yesu Ontapulela ddi Mwawe?

Yesu ohukwa wihina iyovano nikalena egumi. João 3:16

Vigavinre malabo mararu Yesu agaakwile, ahiyana amodha yahidhowa omahame wa Yesu yafwanye ahimo. Jeova ari aganvenyihale Yesu muukwani.

Mowindo Yesu anowoneya warumiwaye.

Jeova ari aganvenyihale Yesu wihina akale ninga yopaddusiwa yowedha yomuzimuni yohikwa. Anamahudhera a Yesu yamona agwelaga odhulu.

Mulugu anvenyiha Yesu anomusakula okala Mwene Oomwene wa Mulugu. Daniel 7:13, 14

Yesu ohuvelela egumaye wihina awobole athu. (Mateus 20:28) Mwaha wa nobolo nna, Mulugu okaliha yowedheye wihina nikalena egumi yohimala.

Jeova omusakula Yesu okala Mwene wihina alamulele elabo yavati. Yesu onimadha akale ni 144.000 athu ororomeleya ovenyihiwa mwilaboni yavati wihina yakalege odhulu. Yesu ni 144.000 ennuba onamatonga wapama wodhulu—Omwene wa Mulugu.—Revelação 14:1-3.

Omwene wa Mulugu ommadha werihe elabo yavati okala parayizu. Kundha okala ekoddo, wopiha, orabula naari edala. Athu emmadha ekale ebaribarene ohagalala.—Salmo 145:16.