OHUDHERA 18

Olabihedhege muselu dhinaathukula murima

1 Coríntios 9:19-23

ENAHOWELEYA WERE DDI: Olabihedhege muselu dhinaathukula murima wihina yonelemo ni makalelo ohiyana.

Wubuwelege dhithu dhinoniliwa. Ohiya ovirisedhaga muselu dhinoniliwa, wakavihere woona mutoma dhimodha dhinafwanelela.

Ojhege mudhidhi wafunaga owoga muselu dhixa ni mudhidhi vang’no dhakala muselu dhinoniliwa.
Osayele ni opendde. Olabihedhe muselu dhixa ni dhego dhipadduwe ovanene wihina oliganihe ni mutomadha dhinna thima. Windo wubuwele mwahawo ni inde osayeliwe akala dhinoligana ni muselu onafuniwe owoge.

Wihina wegeredhe pama epaddi yawo, wikohege, ayi: ‘ddi?, baani?, wuvi?, alini?, mwahaya bwaddi?, dhereye addie?’. Weragana ndala ohudhiha wawo winakala wokweya ni wojajala wakosaga makoho ninga yala ni wawakulaga weka weragana epaddawo.
Otonyihedhe thima onna museluya. Woone yolebela ela enakavihere addi athuya vakadda labo. Owoge dhego dhinereya ninga mubuwelelo, elemelelo, enatonyihedha mweddelwiwa.