Nnande aavi osakula pama yaredhelo?

Yehova ‘Mulugu ohagalala.’ (1 Timóteo 1:11) Oliye anafuna wi nihagalalege ni njhevo egumi. Teto oliye anohagalala nasayela mudhidhi wi nithuwe. Yohudhera ela, nnere woona makalelo opurelamo pama mudhidhi wehu wula nihiddiwanle omuhagalasa.

1. Ethu baani nnahowelihu wubuwela nasayelaga yaredhelo yehu?

Ethu baani enudhivela mudhidhi withuwaga? Amodha enadhiveliwa okala vaade yilerigi, evuruwanaga jhibo, yonaga filime obe onavegari mwinternetini. Amodha kinadhiveliwa okala okaratene, mbwenye enadhiveliwa opasiyari ni omujogari bola vamodha naakwiwa. Mbwenye nasakulaga yaredhelo eri yatene nnohowela okanna ebaribari wi ‘enomuhagalasa Nabuya.’ (Efésios 5:10) Ethu yapama wubuwela wodhela muselu oyo, mwaha athu owinjhiva peeno yaredhelo dhiwa sindhe aniidda Yehova ninga dhoobure, mararuwo vamodha ndhithu dha masenga. (Omwileri Salmos 11:5.) Enaanikavihere ddi osakula pama yaredhelo yehu?

Nandana naathu enamudhivela Yehova enere onikavihera othoma dhithu dhapama dhowaredhana. Ninga nonilihu ohudhera 48, ‘Muthu aneedda naathu athotho anere okala athotho.’ Mbwenye najhaga mudhidhi naathu ehinadhivela malamulo a Yehova, ‘dhehu dhinere oneeddela bure.’ — Provérbios 13:20.

2. Mwahaya bwaddi ekala yapama osugwera mudhidhi nnajhihu naaredhaga?

Naarive nigasakule pama yaredhelo yehu pole-pole mudhidhi nnajhihu naaredhaga. Mwaha iyo podi ofiyedha ojha mudhidhi nafunihu werana dhithu dhofuneya. Bibliya anonikongomedha ‘olabihedha pama mudhidhi ninnihuna.’— Omwileri Efésios 5:15, 16.

OHUDHERE DHITHU DHIMODHA

Wawone makalelo othoma dhithu dhapama wodhela yaredhelo yawo.

3. Kuwaredhege ndhithu dhinamukula Yehova

Ekalele ddi yapama osakula pama yaredhelo yehu? Musugwe VIDIYU, mwamala mwathapanyedhe makoho enaharela.

VIDIYU: Masika enagidhivela baddi? (4:39)

• Jogu dha aRomano dhinaligana aavi ni yaredhelo dha peeno?

• Mvidiyuni mune Daniyeli ahudhere ddi wodhela yaredhelo?

Mmwileri Romanos 12:9, mwamala muthapanyedhe nikoho nnaharela:

• Makalelo baani yolebela ela enikaviheriwa osakula pama yaredhelo yehu?

Dhithu baani aniidda Yehova? Mmwileri Provérbios 6:16, 17 ni Gálatas 5:19-21, mwamala wileri kadda yolebela ya mBibliyani muthapanyedhe nikoho nnaharela:

• Dhithu baani dhiwogiwe mmaversuni muna dhinaligana ni yaredhelo ya peeno?

Onaasakule aavi pama yaredhelo yawo?

Karajhiha wubuwela:

• Ddi? Yaredhelo ela enowoniha ethu sithu aniidda Yehova?

• Alini? Yaredhelo ela enere ovunganyedha mabasa ofuneya a mwigumini?

• Aani? Yaredhelo ela enere ogandaniha naathu ehinamudhivela Yehova?

Ethu yapama fulapela ele yaanimorelihe vang’ovini. Bumwahaya nanganyedhaga yaredhelo yapama wakale ohaddamela wene

4. Olabihedhe pama mudhidhi

VIDIYU: Enasugwera mudhidhi wawo ddi? (2:45)

• Ddibila ole a nvidiyuni koona yabure ni yaredhelo yaye. Ki makathamiho baani anniyena?

Mmwileri Filipenses 1:10, mwamala muthapanyedhe nikoho nnaharela:

• Yolebela ela enukavihere aavi othoma mudhidhi onahoweliwe ononga ni yaredhelo?

5. Osakule pama yaredhelo yawo

Ebaribari wihina yaredhelo dhimodha dhinomukuula Yehova, mbwenye dhihikala dhimodha dhofwanelela waredhana. Mmwileri Eclesiastes 8:15 ni Filipenses 4:8, mwamala muthapanyedhe nikoho nnaharela:

• Yaredhelo baani enudhivela?

OVIRISEDHA

Yehova anafuna nsakulege pama yaredhelo yehu ni anafuna yaredheloya enikaviherege.

Ogwaddela

• Yaredhelo baani makiristawu enafwaneleliwa orabela?

• Mwahaya bwaddi nigahowela opima mudhidhi nnajhihu ni yaredhelo enandhivela?

• Ekalele ddi yapama osakula yaredhelo enamuhagalasa Yehova?

WEGI ONONE DHITHU DHIMODHA

Omunone muthu anna mutholo wosakula yaredhelo yawo.

“Anamona a Yehova enokoddiha woona filime, ovuruwana jhibo ni wawileri malivuru?” (Epaddi ya mu jw.org)

Woone makalelo osakula pama yaredhelo yawo.

“Yaredhelo yawo enokavihera?” (A Sentinela, 15 a Outubro a 2011)

Wileri yopadduwa eni “Gihifiyedha ogonjhiha nsakulo” wihina woone makalelo mulobwana dhala asaddunliye yaredhelo yaye.

“Bibliya anosaddula egumi dhaathu” (A Sentinela, 1.º a Fevereiro a 2010)

Woone makalelo muhiyana dhala asakuleye yothoma yapama wodhela vidiyu dha masenga.

Othawe yaredhelo dha masenga (2:02)