Woonihe wihina onowapwatha athu

Ethu erilena Yesu

VIDIYU: Yesu ni muhiyana oSamariya

1. Osugwe VIDIYU obe omwileri Juwawu 4:6-9. Wamala wawakule makoho enaharela:

1. Ethu baani Yesu ooniliye ahinabajhe othapanya ni muhiyana ole?

2. Yesu owoga egihina: ‘Givahe manjhe.’ Mwahaya bwaddi edhe ekalege makalelo apama oobajha othapanya?

Nnahudhera ddi ni Yesu?

2. Nawogaga muselu onamudhivela muthu ole nnamulaleyihu othapanyawa onere owoma.

Omutajhihe Yesu

3. Wiisaddulege mowaguva. Kudidele owoga muselu odekorariwe. Owogege muselu enathapanyedha athu avamuruddani vawo. Wikohe:

1. ‘Dhithu baani dhinathabwa owogiwa munotisiyani?’

2. ‘Muselu baani enawoga amwanddamani aaga, akwaga omabasani ni oskola?’

4. Okale osugwera. Wikohe:

1. ‘Ethu baani anerana mwanamurala? Mudhidhi yola anubuwela ddi?’

2. ‘Dhowara dhaye, ekalelo yaye obe nyumba yaye, enoniha ddi wodhela dhithu anarumeedhiye ni dhilemelelo dhaye?’

3. ‘Olaya mudhidhi wofwanelela wihina githapanye ni oliye?’

5. Opwasedhege ovuruwana.

1. Kuthabwege owoga.

2. Omukongomedhege mwanamuralaya owoga. Dhenyeyaga wawerena makoho.