Dhoholela dhaale enafuna woona musonkano

ANAMATONYIHEDHA Anamatonyihedha ethomiwe wihina yukavihere. Nnowuloba wi okale owiwanana ni aliwa wawiwelelaga matonyihedhelo ewa yutonyihedhaga vohiya karo, mota, jhinga, moweddedda, okoya mburo ni muselu dhimodha.

OBADDIZA Mburo waaliba obaddiziwa onere opwehiwa osogolo wa tiribuna, dhahikalawo muselu dhimodha. Aliba obaddiziwa ekarati mburo wewa mwaha wa obaddiza ohunambele, Sabadu mambesi. Kadda muthu adheegena tuwalya naye ni dhowara dhofwanelela obaddiziwana.

DHOVELELA Wihina musonkano ola okale woriya ni onikavihere onfiyedha Yehova, dhihinongiwa korowa wihina dhegeredhiwe mpaddo dhowakwanela, dhipano dha awudiyu vidiyu ni mabasa mamodha. Dhovelela dhawo ni murima waatene dhinere okavihera oliva korowa dhinongiwe ni wakavihera mabasa waapela elabo yatene yavati. Dhinofwanyeya kaxa dhili mburo dhohiyana-iyana dhilebiwe wihina dhikweyihe werana yovelelaawo. Dhovelela dhaatedhene dhinowakeliwa pama. Teto we podi werana dhovelela dhawo olabihedhaga site donate.jw.org. Dhovelela dhaatedhene dhinowakeliwa. Nikuru Nolamulela nnowutamalelani wodhela okavihera weenyu wa mabasa Oomwene.

WAKAVIHERA AREDDA Nnafuna nuwubusedheni wi epaddi ela yegeredhiwe wihina yakavihere ale enahowela okaviheriwa mowaguva.

DHORIMELA NI DHODDODDIWA Dhego dhaatedhene dhiddoddiwe mwinnyaya ahinoniwa, dhiveleliwe mburo winakala dhorimela ni dhoddoddiwa. Akala we ohurimeliwa ethu, odhowe waaje mburo yola. Ahima ooddoddiwa eveleliwe mburo yola. Wihina eyo yahereye, abaabi enofwanelela wawing’anela aniiwa ni ekarati vamodha.

MBURO Onolobiwa wihina wawubuwelege akwawo. Akala onofuna okoya mburo, nnowuwubusedha wi wakoyele baahi amudhawo, ale enathanana niwe, ni ale enamuhudhera Bibiliya niwe. Nnowuloba wi onahiye ethu vampaddoni wula ohumukoyele muthu.

MABASA OWIVELELA Akala we onofuna okavihera mabasa vamusonkanoni, owoge naale enaaholela Mabasa Owivelela.

Wegeredhiwe Nnikuru Nolamulela na Anamoona a Yehova