“Pawulo omutamalela Mulugu ni oliba murima”

Addibila oRoma yiwaliwa wihina Pawulo era odha omaga olendde wa makilometuru 64 wi yagumanena. Pawulo ari avi oniliye odhivela wa addibila oRoma? “Wawonawene, Pawulo omutamalela Mulugu ni oliba murima.” (At 28:15) Pawulo ahinoniwa ninga namalibiha a mulogo eeddelesiye. Mudhidhi amagiwiye, addibila bamulibiha oliye.—2Co 13:10.

Peeno, anamaholela oweddedda, enoweddela mulogo wihina yalibihe addibila, narogola. Malabo amodha aliwa enoogoma, enodhugudheya ni enohowela olibihiwa. Namaholela oweddedda vamodha ni mwariye yafiya wiri mulogwawo, onalibihe addi? Obe, munalibihane addi mmodha ni mukwaye?—Ro 1:11, 12.

• 

  Okavihere mutugumano dha mabasa oolaleya. Namaholela oweddedda anakala olibeene awonaga anamalaleya atene epurelagamo sumana yavayeekiwa. (1Te 1:2, 3; 2:20) Kakala piyonero okavihera mweri wa muleddo. Onere odhowa mmalaleyelo nuliye obe ni mwariye? Onere waloba wihina yuvelele wanamahudherawo? Aliwa enere ohagalala olaba ni anamalaleya ohiyana iyana. Thabwa-thabwa ale eri anamalaleya axa obe ale ehilemele olaleya.

• 

  Okale namaakela aleddo. Waaboliha mburo woosamela obe wavaha yoojha, makalelo owoniha odhivela onniwena naliwa. Wawakela aleddo kahi okalana dhithu dhowingiva.—Lu 10:38-42.

• 

  Ovuruvane ni ohare dhoholela, ndholaga dhatene. Namaholela oweddeda annadhiveliwa onikavihera onona makalo odhowaganave mabasiihu omulabela Jeova. Malabo amodha, oliye annanilaga. (1Co 5:1-5) Oliye annahagalala anoonaga niwelelaga ni nihivanyaga.—He 13:17.

• 

  Otamalelege. Makalelo omutalela namaholela oweddeddda vamodha ni mwariye. We poddi watamalela aliwa wodhela oleba jhangala obe odhowa watamalela.—Col 3:15.