Onnawedha woona, dhikalelo dhohoneya dha Mulugu?

Woona nikupu nowi nimbi-nimbi, thenddeeri kuluu odhulu obe manjhe ekumaga mmwangoni, onnubuwela wi ohukalawo Mpaddusi? Dhopaddusiwa dhinaapele dhinnoniha dhikalelo dhohoneya dha Jeova. (Ro 1:20) Iyo nnere owedha woona kopolo, odhivela, thotho, wogowa, ovaha obe opama wa Mulugu, nubuwelaga ndhe nnonihu valabo.—Sal 104:24.

Dhopaddusiwa baani dha Jeova ononesiwe valabo? Akala onakala luwani enlubale podi wera onowonesa balame ni muthanko. Opwasedha woona dhopaddusiwa dhinovugula osimwela wehu, dhinnanikavihera ohunlana makathamiho ehu ni dhinnaniroromeliha wi Jeova ohukanna owedha wonijhiha malabwene. (Mt 6:25-32) Akala ohukanna ahima, wakavihere onona dhikalelo dha Jeova. Ovaha thima dhopaddusiwa dhinaapele, makalelo onfiyedha Jeova.—Sal 8:3, 4.

KASUGWA VIDIYU DHOPADDUSIWA DHOTIKINIHA DHINOWONIHA NTHITHI- MIHO NA MULUGU—WAARA NI KORE. WAMALA WAWAKULE MAKOHO ALA:

• Pigmento dhinnikavihera addi woona kore?

• Kore dhojerimela dhimpadduwa avi?

• Mwahaya bwaddi vaasaga, vakala mutana obe txiguwo nnowona kore dhohiyana iyana odhulu?

• Kore baani dhowoma woniliwe owaninyu?

• Mwahaya bwaddi sapama opwasedha woona dhopaddusiwa?