Onalabihedha aavi epaddi Othapanyedha muselu dha mBibliyani

Obajha mweri wa Janeru wa 2018, othapanyedha muselu dha mBibliyani onadha omambelelo wa mwana livuru Egumi ni Mabasa ehu Eekiristawu​—Mwana Livuru na Mutugumano. Ki nnaalabihedhe addi?

Navahiwa epaddi: We podi olabihedha makoho, yolebela, ni wiwananihaga ni epaddi Othapanyedha muselu dha mBibliyani. Mbwenye, eyo kinatapulela wi onohowela werana ninga vidiyu ya othapanyedha muselu dha mBibliyani. We podi olabihedha makalelo mamodha oothapanya. Ohiya eyo, we podi ovaha livuru na malivuru ehu oohudhiha, naarive dhihifwanyeyaga mu dhoholela.

Nakala mmalaleyelo: Othapanyedha muselu dha mBibliyani yegeredhiwe wihina enikavihere makalelo owambela oothapanya ni muthu. Akala muthuya onofunave onona, we podi olabihedha waredhela. We podi osaddula othapanyedha muselu dha mBibliyani obe podi olabihedha ethu emodha. Ki akala yolebela emodha sinaadhivela athu avamuruddani vawo? Aliwa yere odhiveliwa wahere owoga muselu wa dhego dhinaapadduwela murudda yole? We podi olabihedha othapanyedha muselu dha mBibliyani mwamakalelo owinjhiva mbwenye, efunelo yawo ekale ‘werana dhatedhene mwaha wa muthenga dhapama, wihina wawaddele amodha.’​—1Cor 9:22, 23.