Kamuthithimihe Yehova wodhela okala piyonero

Amwaana Ezarayeli yahikanna dhithu dhowinjhiva dhaathukulela omuthithimiha Yehova. Oliye ahawobola Wijipitu ni ahaavulusa mmadani mwaanyakoddo a Farawo! (Êx 15:1, 2) Nivano Yehova anowaakavihera athu aye. Nnaamutamalele addi Yehova mwaha dhithu ananereliye? — Sal 116:12.

Makalelo oomutamalela Yehova fuukala piyonero ookavihera obe a mudhidhi watene. Walobela wa Yehova, mohanganyedha oliye anere wuvaha efunelo ni kopolo dhokala piyonero. (Fil 2:13) Anamwinjhi enarajhiha okala apiyonero ookavihera. Motajhiha, we podi osakula wavelela mawora 30 obe 50 mweri wa Marsu, Abirili ni mweri wa sumana yavayekiwa. Vano wahagalala ni mabasa wapanrewe mwaha wokala piyonero ookavihera, wafuna podi okala piyonero a mudhidhi watene. Ehikalawo addibila enamulaba ganyu nlabo nantero, amodha aredda, mbwenye apiyonero a mudhidhi watene. (Apostila 07/16 epaddi 8) Mwebaribarene, Yehova ohufwanelela wakela nthithimiho natene, wodhela wilibihera wehu! — 1Cr 16:25.

OSUGWE VIDIYU AROGOLA ARARU—ODDIBILAVE O MONGÓLIA, WAMALA WAWAKULE MAKOHO ALA:

• 

  Makathamiho baani yagonjhihe arogola ala wihina ekale apiyonera?

• 

  Mareeliho baani yawakelewa?

• 

  Mwaha okala apiyonera, ofuru baani yanniwana mmabasani a mudhidhi watene?

• 

  Wilibihera wewa wakavihere addi athu amodha?