MWEDDELO WEHU WEKIRISTAWU
Osinyusiwa—winoniha odhivela wa Yehova
Osinyusiwa makalelo oomuhudhiha ni oomuxagiha muthu, mbwenye malabo mamodha onolabihedhiwa wihina asumululiwe muthu obe atorihiwe. Yehova anonisinyusa ni makalelo apama wihina niwedhe omulabela oliye. (Ro 12:1; He 12:10, 11) Malabo mamodha podi wonaga osinyusiwa ninga ethu yabure, mbwenye winonikavihera omuhagalasa Yehova ni wawakela mareeliho aye. (Pr 10:7) Ohunathi omulaga muthu enahoweleya wubuwele ddi? Akala were olagiwa enahoweleya wubuwele ddi?
Muthu analaga. Akala ori namaholela mulogo, babi obe muthu mmodha enohoweleya wilibihera omulaga muthu ni makalelo apama vamodha ni odhivela omutajhihaga Yehova. (Je 46:28) Osinyusa-fuusinyusa enohowela opimelela ni enohowela werana ni odhivela. — Tit 1:13.
Muthu analagiwa. Osaddule mowaguva dhithu dhinahoweleya. (Pr 3:11, 12) Iyo nili athu ohulogomana bumwahaya malabo amodha nnohowela osinyusiwa. Eyo enopadduwa mwamakalelo ohiyana-hiyana motajhiha iyo podi osumululiwa ni ethu nilerihu mBibliyani obe nivuruwanihu omutugumanoni. Mbwenye athu amodha enohowela osumululiwa ni komisawu yowoga muladdu. Narumedha osinyusiwa ni Yehova nnere okanna egumi yohagalala peeno ni yamukalakala. — Pr 10:17.
OSUGWE VIDIYU ‘YEHOVA ANAMUSINYUSA OLE ANAMUDHIVELIYE’, WAMALA WAWAKULE MAKOHO ALA:
Ddibila Canon aleliwe avi, ki yampadduwele ddi?
Nikavihero baani ddibila Canon akenliye wihina amuhogolowele Yehova?
Okanne odhivela ni osinyusa wa Yehova
Ki nnahudhera ddi ni yopadduwa ela?