Vamuralani okanne odhivela ohunamala

Okanna odhivela vamuralani ethu yohoweleya. Vamuralani vahikala odhivela, enorusa okala owiwanana epaddi yomwiilini ni epaddi yomuzimuni. Mulobwana atenle, mwihiyana ateliwe, babi, ni mayi, enonihe addi odhivela vamuralani?

Mulobwana oodhivela, anothuwathuwela dhofuna dha mwariye ni anoovuruwana dhowoga dhaye. (Ef 5:28, 29) Oliye anokabelela emudhaye epaddi yomwiilini ni epaddi yomuzimuni, teto kadda sumana anowerana ohudhera weemudhi. (1Ti 5:8) Mwihiyana oodhivela, kanaanvanyiha mamune ni anokanna ‘nriho na vati va murima’ ni mamune. (Ef 5:22, 33; 1Pe 3:1-6) Mulobwana ni mwariye enohowela wilibihera olevelelana mmodha ni mukwaye. (Ef 4:32) Babi ni mayi oodhivela enowahudhiha aniwa omudhivela Yehova. Aliwa enomuthuwathuwela kadda mwana. (De 6:6, 7; Ef 6:4) Motajhiha, makathamiho baani enagumaniwana oskola? Enaagonjhihe addi dhoweha dhinaafwanya? Murala wantero wakanna odhivela, athu atene vamuralani enakala oobareleyene ni oohagalalene.

OSUGWE VIDIYU VAMURALANI OKANNE ODHIVELA OHUNAMALA, WAMALA WAWAKULE MAKOHO ALA:

• 

  Mulobwana oodhivela anamweddiha ni makalelo baani mwariye?

• 

  Mwihiyana oodhivela anoniha addi nriho navati va murima ni mamune?

• 

  Ki mulobwana ni mwariye enalabihedha addi mudhidhiwa wihina yahudhihe aniwa wodhela Yehova?