MWEDDELO WEHU WEKIRISTAWU

Olabihedhe buruxura ni livuru Ofwanye egumi yohagalasa ya malabo amatene!

Sapama okanna buruxura ni livuru nixa nowahudhihana athu Bibliya! Nnolobela mutana ni mahiyu nimulobaga Yehova areelihe wilibihere wehu, wowahudhiha athu wihina ekale anamahara a Kiristu. (Mt 28:18-20; 1Co 3:6-9) Buruxura ni livuru nna, nnalabihedhiwa nimakalelo baani?

Naamuhudhihaga muthu Bibliya ni buruxura obe ni livuru nna nixa, nnaalabihedhege nimakalelo maxa ohiya makalelo akale. Thalo dhinaharela, dhinere wukavihera wiwegeredha ni ohudhiha.

Wileri musolo watene, walabihedhe makohoya wihina muthapanyedhe museluya nnamahudhera awo.
Wileri vamodha nnamahudhera awo dholebela dhinadha “Omwileri”, vano omukavihere wonelamo yolebela ela eniwanana addi ni museluya.
Wonihe vidiyu, vano muthapanyedhe makohoya
Kadda ohudhere muhudherege musolo wantero

Mmalaleyelo, vobajhavene onvahe mwanamurala buruxura, wihina woone akala oliye anofuna ohudhera (Osugwe kwaduru “makalelo oovaha buruxura Ofwanye egumi yohagalasa ya malabo amatene! Othapanya wobajha epaddi 16.”) Mwamala ohudhera buruxura nna nnamahudhera awo, oliye aafunaga ohudherave, onvahe livuru, vano mbajhe musulo 4. Akala munahudhera livuru Bibliya onahudhiha ddi? obe Continua a amar a Deus, muhiye vano mbajhe livuru Ofwanye egumi yohagalasa ya malabo amatene! Kinahoweleya obajha omambelelowene. Osakule musulo onaamukavihere namahudhera awo wunnuwelavo epaddi yomuzimuni, vano mbajhe venvo odhowa osogolo.

Anamatelana amodhave emuhudhihaga mulobwana mmodhave ni livuru “Ofwanye egumi yohagalasa ya malabo amatene!” vade vaye.

OSUGWE VIDIYU ODHAWAWO WAPAMA WIHINA OBAJHE OMUDHUDHERA BIBLIYA, WAMALA WAWAKULE MAKOHO ALA:

Namahudhera ehu anahudhere ddi ni livuru nna?
Mwahaya bwaddi sapama wawoniha anamahudhera ehu axa vidiyu ela?
Dholuba baani dhinahoweleya omukavihera namahudhera awo okanna ni ofwanya? — Osugwe kwaduru epaddi 16s

MADHU A MUSIDDO: We podi osakula akala onere olabihedha epaddi enawoga “Wegi onone dhithu dhimodha”. Naari dhigarive ndo, wiwegeredhaga, ogule mudhidhi wihina wileri museludha ni osugwe vidiyudha dheepaddi yela. Werana yeyo, onere woona akala enohoweleya olabihedha obe naari wihina omukaviherena namahudhera awo. Buruxura ni livuru nri mwinternetini ehikanna link nnuthukulela osugwa vidiyu ni woona musolo dhimodha

OVIRISEDHA DHIPADDI DHA LIVURU
	MUSOLO	ONAAHUDHERE DDI	DHOLUBA DHA NAMAHUDHERA
1	01-12	Woone makalelo Bibliya anukaviheriye mwigumi mwawo, ni makalelo anukaviheriye omunona mwinya a Bibliya	Omukongomedhe namahudhera awo omwileri Bibliya, wegeredha ohudhera ni otugumana
2	13-33	Woone dhithu Mulugu ananereliye ni dhithu baani nnahowelihu werana wihina Mulugu arumedhe webedha wehu	Omukavihere namahudhera awo othapanya naakwaye muselu dha mBibliyani, omukongomedhe okala namalaleya ohubaddiziwa
3	34-47	Ohudhere dhithu Mulugu anafuniye wihina neregena	Omukongomedhe namahudhera awo othoma wivelela wa Yehova ni obaddiziwa
4	48-60	Ohudhere makalelo oodidela woniha odhivela wawo ni Mulugu	Omukavihere namahudhera awo woona dhithu dhinamutakalela Mulugu ni dhinamudhivela, ni wunnuwa epaddi yomuzimuni