Makalelo apama owerana mutugumano wa mmalaleyelo

Mutugumano wa mmalaleyelo ommaligana ni mutugumano dhimodha. Mutugumano ola, nvaho wa Yehova ni ononlibiha mmodha ni mukwaye. (He 10:24, 25) Mutugumano wa mmalaleyelo okalege wa mutala 5 obe 7. Obe nere, nameeddiha mutugumano wa mmalaleyelo, aagawe addibila, athome murudda, ni neriwena nlobelo muwari mwa mutala 5 obe 7. (Nakala nlabo na mutugumano, mutaladha dhikale dha vang’ono.) Nameeddiha mutugumano egeredhe muselu onaakavihere anamalaleya. Motajhiha, woona wi anamalaleya amodha kinawedha olaleya vaari va sumana, vakala Sabado, nameeddiha mutugumano podi waxagiha anamalaleya ethu enafuniwa owoga yafiya mmalaleyelo. Dhoxagiha dhimodha sivi?

• Podi otajhiha othapanyedha muselu dha mmalaleyelo dha Mwana livuru na mutugumano

• Podi olabihedha dhopadduwa dha vamuruddani wihina obajhe othapanya

• Podi owoga makalelo oomwakula mwanamurala ananigwadda niwogaga

• Podi owoga makalelo oomwakula muthu ahinarumedha wi Mulugu ohukalawo, muthu anawoga ewogelo emodha, obe muthu a gereja ehilemeliwe murudda wehu

• Podi owoga makalelo oolabihedha site jw.org, apilikativo JW Library^®, obe Bibliya

• Podi owoga makalelo owalabihedha malivuru ehu oohudhihana

• Podi owoga makalelo oolaleya vaanamwinjhini, ni telefoni, ni makarta, owaredhela, ni oohudhiha

• Podi owoga makalelo owibarela, ohuwoga bure, waariha anamurala, ohukanna nsakulo, ndhithu dhimodha

• Podi owoga yohudhera obe woniha vidiyu ya buruxura: Wilibihere wileri ni ohudhiha

• Podi owoga makalelo oomulibiha mukwawo ammalaleyelo

• Podi olabihedha yolebela eniwanana ni mabasa oolaleya obe owoga yopadduwa yolibiha