Makathamiho atene ehikanna omakuthulo

Makathamiho yathabwa olegela podi onikwerebeyiha. Davidi kanganyedha wihina Sawuli ere oselela omuharahara ni were ofiya mudhidhi Davidi ahabe omwene ninga awogile Yehova. (1Sa 16:13) Ethu baani yamukavihere Davidi ovilela ni omujheha Yehova? Nroromelo.

Naafwanyiwaga makathamiho, iyo podi olabihedha thotho, enonelo, ni mubuwelo wehu wihina naagonjhihe makathamiho enanifwanya. (1Sa 21:12-14; Pr 1:4) Naari dhigarive ndo, makathamiho ehu podi ohumala naari nigilibihere omulabihedha Bibliya. Eyo yapadduwa, sapama ovilela ni omujhedhiha Yehova. Mohilegela oliye anere wamariha makathamiho ehu amatene ni ‘anere ovuda mitoridhihu dhatedhene’ mwintonimwihu. (Ap 21:4) Akala di Yehova anaanobole mmakathamihoni mwehu obe akala sithu emodhene enaanikavihere, kaniddiwaale ethu modha: Makathamiho atene ehikanna omakuthulo. Onona eyo podi onlibiha.

OSUGWE VIDIYU NLOGO NOWIWANANA MWILABONI YOHIWANANA, WAMALA WAWAKULE MAKOHO ALA:

• Makathamiho baani yafwanye makiristawu eelabo yo suli wEstados Unidos?

• Addibila ala yonihe addi odhivela nuuvilela?

• Addibila ala esogolihe addi ‘nde dhili dhathima’? — Fil 1:10