Ovede thotho dha Yehova mu JW.ORG

Madhu a Mulugu enonikavihera owanana makathamiho enanifwanya malabo yala oorusa. (2Ti 3:1, 16, 17) Naarive dhigaari ndo, nnohowela nikavihero wihina nifwanye dholaga dha mBibliyani wihina dhinikavihere. Motajhiha, ori babi onasayela dholaga dhapama wihina wahudhihe anaawo? Ori muzombwe onowanana makathamiho wihina obarele nroromelo nawo? Obe ori maamukwele, mwaha omuyelela muthu wamudhiveliwe? Wasayela thotho dha Yehova mu jw.org onere ofwanya dholaga dha mBibliyani dhinukavihere owanana makathamiho yala ni mamodha. — Pr 2:3-6.

Epaddi yoobajha ya jw.org, oselesiyonari epaddi DHOHUDHIHA DHA MBIBLIYANI. (Osugwe fotu 1.) Wamala oddabwinye muselu onafuniwe onona. Obe oselesiyonari epaddi BIBLIYOTEKA > MALIVURU NI MABURUXURA wamala oddabwinye muselu onafuniwe onona. (Osugwe fotu 2.) Teto muselu onasayeliwe podi ofwanya mu JW Library^®.a We podi odhiveliwa osayela muselu onafuniwe site yela. Makalelo mamodha oofwanya muselu onafuniwe fusayela mu jw .org.

Osayele muselu ndha dhofuneya dhinaharela.

• Walela ahima

• Makathamiho enafwanya azombwe

• Omuyelela muthu wamudhiveliwe