We onna omulabihedha pama awudiyu a Bibiliya?

Awudiyu a Bibiliya ddi? Awudiyu a Bibiliya garavasawu a Tradução do novo mundo revisada. Teto, anna ogawiwa mwamahala ni dhiwogelo dhowinjhiva. Ethu emodhaya, sowihina awudiyu a Bibiliya ohukanna ndhu naathu ohiyana-iyana enatonyihedha anawoga museluya. Wihina yande wonelihamo muthengaya wa mBibiliyani, athuya enowoga nupwaseya ni ekalelo yapama.

Nimakalelo baani awudiyu a Bibiliya anakaviheriye athu amodha? Athu owinjhiva enanvuruwana awudiyu a Bibiliya enodhiveliwa makalelo onaavahiye thima madhu a Mulugu. Aliwa ehonelamo wihina onvuruwana awudiyu ola ni ndhu naathu ohiyana-iyana, enowakavihera woona yopadduwa ya kadda mwaha, teto enowanda woona dhopadduwa dha mBibiliyani ni enowonelamo pamadhene muselu olebiwe. (Pr 4:5) Amodha enona wi onvuruwana awudiyu a Bibiliya, winowakavihera okala opwaseyene yakala owukuuwene. — Sal 94:19.

Wawiwa madhu a Mulugu yileriwaga ni ndhu nootama, podi onikavihera mwigumini mwehu. (2Cr 34:19-21) Akala awudiyu a Bibiliya ohukalawo epaddi emodha obe yaatene ni ewogelo yawo, ononamo aavi onvuruwana malabo amatene?

OSUGWE VIDIYU OGARAVARIWA WA AWUDIYU A BIBILIYA — OGWADDELA. WAMALA WAKULE NIKOHO NNA:

Ethu baani yutikinihe wodhela makalelo agaravariwe awudiyu a Bibiliya?