Athu enasayela omuhagalasa Yehova enowerana dhothoma dha thotho

Omwileri Génesis 25:29-34 wihina onone akala Ezawu ni Jako yaherana dhothoma dhapama.

Osayele wonelamo pamadhene museluya. Ddiniyani yapadduwile omambelelowene? (Gén. 25:20-28) Ddiniyani yapadduwile voharela? — Gén. 27:1-46.

Osayele wonelamo yopadduwaya. Mudhidhi yole, mwaana oomusuza akanna mutholo ni oneti baani? — Gén. 18:18, 19; Sentinela 1/5/10 epaddi 13.

• Nerege yohoweleya okala mwaana oomusuza wihina muthu akale nikolo na Mesiya? (Sentinela 12/17 epaddi 14-15)

Wubuwele dhithu onahudheriwe ni makalelo ooparihedha mabasa. Mwahaya bwaddi ofuru wokala mwaana oomusuza waali wathima vamentoni va Jako ohiya vamentoni va Ezawu? (Ebe. 12:16, 17; Sentinela 15/10/03 epaddi 28-29) Yehova amoona aavi Ezawu ni Jako, ki mwahaya bwaddi? (Mal. 1:2, 3) Ddiniyani Ezawu ahoweliye werana wihina ande werana yothoma yapama?

• Wikohe, ‘Ginere ddi wihina goonihe wi omwebedha Yehova ethu yathima mwigumini mwaaga wodhela olabihedha pama mudhidhi waaga va sumanani ni gahijhombelege werana ohudhera weemudhi?’