Ohogolowelege wubuwela thomodha ohudheriwe

Enowurusa wubuwela dhithu omanliwe ohudhera? Malabo mamodha, eyo enowapadduwela athu aatene. Ki ddiniyani enukavihera wihina onadduwalege dhithu ohudheriwe? Ohogolowelege wubuwela thomodha.

Mudhidhi weragana ohudhera wawo, olebelege thomodha onafwanyiwe. Murumiwi Pawulo ahakavihera athu yafuna wawileri makarta aye wihina enadduwale thomodha, nuwoga eegi: ‘Ela si enlubaleya.’ (Ebe. 8:1) Ni madhu yaala, oliye wakavihera anamileri onona ethu ubuweliye ni wonelamo kadda thomo yiwananiwa ni museluya.

Wamala werana ohudhera wawo wa vayeka, we podi opatha mwana mudhidhi wihina wubuwele thomodha omanliwe ohudhera. Akala enowurusa wubuwela thomodha, ohogolowele osugwe musolo wa muselu wahudheriwe obe wileri ddima dhobajha. Ndala onere wanda wubuwela dhithu ohudheriwe. Vano we wahudhera ethu exa, osayele otapulela ethuya ni madhu awo. Ohogolowela wubuwela thomodha, winere wukavihera wonelamo muselu ohudheriwe ni onona makalelo ooparihedha mabasa mwigumini mwawo.