Omulabihedhege Bibiliya ninga espelyu nawo

Murumiwi Tiyagu ohumuliganiha Bibiliya ninga espelyu nnanikavihera woona emuthu yehu. (Tiya. 1:22-25) Nnande aavi omulabihedha Bibiliya ninga espelyu nehu?

Ompwasedhege wamwilerigi. Nisugwa va espelyuni naguvaga, iyo podi ohanda woona pama ethu nnahowelihu owomihedha omentoni wehu. Ni makalelo mamodhave, namwileri Bibiliya mowaguva, kannande woona dhikalelo dhabure nnahowelihu owomihedha mwigumini mwehu. Bumwahaya nnohowela ompwasedha namwilerigi Bibiliya.

Wamwilerigi wubuwelege dhithu onahoweliwe osaddula mwigumini mwawo, ohiya wawubuwelaga athu amodha. Nisugwaga va espelyu ninlubale, iyo nnowoona dhithu dhowinjhiva. Nimakalelo mamodhave, namwilerigi Bibiliya nawubuwelaga athu amodha, nnowanda woona dhoviriganiha dha athu amodha. Ebaribariya sowihina omwileri Bibiliya ni ekalelo yeela kinanthukulela wakavihera athu amodha.

Nikanne manddile. Nisugwaga va espelyuni ni naapwasedhaga osugwa ethu yahili pama, iyo podi wukuuwa. Nimakalelo mamodhave namwilerigi Bibiliya nnohowela okanna manddile. Kanisayelege dhithu nnonnihu wihina kannanda. — Tiya. 3:17.