Karta Noobajha na Juwawu

1 Yeyo okuma omambelelo niwalihu, nonilihu nimentwihu ni nipanrihu nimadihu wodhela ndhu nnavaha egumi 2 (hee, egumi yohimala nihaddeliwa vano iyo woona, bumwahaya nigavaha onamoona ni niguwaddelani, egumi yohimala ela naddeliwihu enadhela wa Ababa), 3 dhithu nonilihu ni niwalihu sidhendho nnuwaddelihuni wihina mukale mwimodhani ni iyo. Woona wihina iyo nili mwimodhani ni Ababe vamodha ni Mwanaye Yesu Kiristu. 4 Nihulebelani dhithu ndha wihina ohagalala wehu wakwanele.

5 Muthenga niwalihu ni Yesu ni nnuwaddelihuni buula: Mulugu waara ni kanna yiihi. 6 Akala nnowoga negihina: “Nili mwimodhani nuliye,” mbwenye nnodidelave weedda muyihini, nili aliba woota ni kannerana dhithu dhebaribari. 7 “Mowindo, akala nnowedda mowaara ninga oliye aliye mowaarani, nili mwimodhani mmodha ni mukwaye teto nikame na Mwanaye Yesu, nnonitxeniha dhoothega dhehu dhaatedhene.

8 Nawoga negihina: “Kaninna yoothega,” nnowileketha teto ebaribari kili ni iyo. 9 Mulugu dororomeleya ni dowogowa* bumwahaya namwaddela dhoothega dhehu oliye ononilevelela ni aneere otxeniha ohogowa wehu waatewene. 10 Nawoga negihina: “Kaninna yoothega,” nnamoona Mulugu ninga muliba woota teto madhu aye kili ni iyo.