Ohukosa epaddi yelabo enatapulela ddi?

Yesu ahiwoga ni anamahara aye egi ‘ehikosege epaddi yelabo.’ (João 15:19) Ohukosa epaddi ya elabo enatapulela ohivolosiha mpulitikani ni mukoddoni dha elabo ela. Mbwenye owoga ebaribari kahi ethu yokweya ohukala epaddi yelabo. Malabo mamodha iyo podi oteyiwaga mwaha ohukosa epaddi yelabo. Nnande aavi ohukosa epaddi yelabo ni okala ororomeleya wa Yehova?

1. Makiristawu enawona aavi anamathonga?

Aliwa enowariha anamathonga. Ndo nnowerana ele anirumile Yesu, ‘onvaha Sezare dhithu dha Sezare’. Eyo enatapulela wawiwelela malamulo a kadda elabo ninga oliva musoko. (Marcos 12:17) Bibliya anahudhiha wihina anamathonga eri mwilaboni ekalelewo mwaha wihina Yehova deenyile. (Romanos 13:1) Bumwahaya iyo nnoriha othonga wewa. Teto nihinona wi onamathonga wewa kunapitha onamathonga wa Mulugu. Nihikanna ebaribari wihina Mulugu ni Omwene waye dinamarihe makathamiho mwilaboni.

2. Nnonile aavi wi kannakosa epaddi yelabo?

Ninga Yesu iyo kannivolosiha mpulitikani. Athu nuwawona matikiniho awerilena Yesu oxixa wi oliye akale mwene, mbwenye Yesu okoodda. (João 6:15) Mwaha waddi? Ethu aasoriheye vamentoni va Pilatu enonivaha yowakulaya, oliye wera: ‘Omwene waga kunakosa epaddi yelabo.’ (João 18:36) Mwaha okala anamahara a Yesu nnowoniha wihina kannakosa epaddi yelabo mwamakalelo ohiyana-iyana. Motajhiha, iyo kannadhowa okoddoni. (Omwileri Miqueias 4:3.) Iyo kannamusakula namathonga newene partidu, teto kannaakoddiha athu omusaku namathonga newene osakula partidu yewa. Iyo nnoriha elabo nnakalihu, mbwenye kannakokorela bandera newene kannerana dhithu dhiniwanana ni muselu yoyo dhinalupa malamulo a Mulugu. (1 João 5:21) Ayo makalelo owoniha wihina nnaroromela baahi Omwene wa Mulugu.

OHUDHERE DHITHU DHIMODHA

3. Makiristawu ebaribari kinakosa epaddi yelabo

Yesu naanamahara aye kayakosa epaddi yelabo ni iyowa ntajhihe mweddelo wewa. Mmwileri Romanos 13:1, 5-7 ni 1 Pedro 2:13, 14. Mwamala musugwe VIDIYU, mwamala mwathapanyedhe makoho enaharela:

VIDIYU: Makiristawu ebaribari kinakosa epaddi yelabo — Epaddi 1 (4:28)

• Ekalele ddi yapama warihaga anamathonga?

• Makalelo apama owoniha wi nnowariiha anamathonga baavi?

Wakala koddo malogo enihina kinakosa epaddi yelabo enokavihera makuru amenddi enawana koddoya. Mwebaribarene ohukosa epaddi yelabo enatapulela ddi? Mmwileri João 17:16. Mwamala musugwe VIDIYU ni muthapanyedhe nikoho nnaharela:

VIDIYU: Makiristawu ebaribari kinakosa epaddi yelabo — Epaddi 2 (3:11)

• Ohukosa epaddi yelabo enatapulela ddi?

Ki anamathonga yaniloba werana ethu enaalupa malamulo a Mulugu nere ddi? Mmwileri Atos 5:28, 29. Mwamala musugwe VIDIYU ni mwathapanyedhe makoho enaharela.

VIDIYU: Makiristawu ebaribari kinakosa epaddi yelabo — Epaddi 3 (1:18)

• Anamathonga yaniruma werana ethu wula nlamulo na Mulugu niwogaga wi niherena nimwiwelele aani?

• Onowanda wubuwela dhithu enasoriha anamathonga mukiristawu ahinafwaneleliye wiwelela?

4. Dhowera dhawo ni monelo wawo dhonihege wi kunakosa epaddi yelabo

Mmwileri 1 João 5:21. Mwamala musugwe VIDIYU ni mwathapanyedhe makoho enaharela:

VIDIYU: Mwahaya bwaddi makiristawu eebaribari egahowela oliba murima wi ehikose epaddi yelabo (2:49)

• Nvidiyuni, mwahaya bwaddi Ayenge adhe athomege ohivolosiha mpulitikani newene ohukokorela bandera?

• Ononamo wi ohuthoma dhithu dhapama?

Dhithu dhimodha dhehe yothoma yehu yohivolosiha mpulitikani ddi? Musugwe VIDIYU, mwamala mwathapanyedhe makoho enaharela.

VIDIYU: Dhithu nihudherihu nNamasugwera — Odidele ohukosa epaddi ya elabo ela eri yogaweyene (5:16)

• Akala elabo yehu enna owana ni elabo emodha nnere ddi wihina ndideleve ohukosa epaddi yelabo?

• Nnande addi ohukosa epaddi yelabo akala muthu di muthu anakosa epaddi ya pulitika ohuthoma ethu enapatha egumi yehu?

• Dhithu nnavuruwanihu munotisiyani obe naakwihu dhinapatha aavi yothoma yehu yohukosa epaddi yelabo?

OVIRISEDHA

Makiristawu enowilibihera vanlubale ohukosa epaddi yelabo wodhela mubuwelo wewa, madhu ewa ni dhowera dhewa.

Ogwaddela

• Dhithu baani nnafwanelelihu wavaha anamathonga?

• Mwahaya bwaddi egahoweleya ohukosa epaddi yelabo?

• Dhithu baani dhehe yothoma yehu yohukosa epaddi yelabo?

WEGI ONONE DHITHU DHIMODHA

Wihina nihikose epaddi yelabo dhithu baani nnahowelihu oleva?

Yehova kanannyanyalege (3:14)

Dhithu baani onahowela werana murala wihina wiwegeredhe wehiwaga mwaha wa yothoma yewa yohukosa epaddi yelabo?

Kamukale epaddi yelabo mudhidhi ori watene (4:25)

Mwahaya bwaddi obarela elabo kahi ethu yothabwa ofuneya muthu anahoweliye werana?

“Wa Mulugu dhatedhene dhinowenyeya” (5:19)

Wasayelaga ganyo woone makalelo ohukosa epaddi yelabo.

“Kadda muthu anaathukulege mutholo waye” (A Sentinela, 15 a Março a 2006)

Vilegele vihilegele, makiristawu aamatene enere widdiwa, ni enere ofiyera oharahariwa. Muselu oyo onofwanelela onithuusa?

1. Mwahaya bwaddi nigajhehera oharahariwa?

Bibliya onihina: ‘Mohanganyedha, atene ale enaafunege omuhagalaliha Mulugu, emuharaga Yesu, enerege oharahariwa.’ (2 Timóteo 3:12) Yesu ahiharahariwa mwaha kakosa epaddi ya elabo ela ya Saddana. Ni iyowa kannakosa epaddi ya elabo ela. Bumwahaya, kannatikina naharahariwaga nanamathonga obe ni gereja dha elabo ela. — João 15:18, 19.

2. Woona wi nnojhehera oharahariwa nniwegeredhe aavi?

Sapama olibiha ororomeleya wehu wa Yehova ovanene. Kadda labo ovede mudhidhi wihina olobele ni omwilerigi Bibliya. Teto woonege mutugumano dhatedhene. Dhithu ndho dhinere wuvaha kopolo dhowana nuuliba murima waharahariwaga, podive namudhawo. Murumiwi Pawulo ohuthabwa oharahariwa ofiyera osoriha egi: ‘Yehova dinamakavihera aaga; kagidha goova ethu.’ — Hebreus 13:6.

Makalelo mamodha owenjhedhedha oliba wehu murima fuwapara mabasa oolaleya. Olaleya onolibiha nroromelo ninnihuna ni Yehova ni ononikavihera ogonjhiha wawoova athu. (Provérbios 29:25) Nakanna oliba murima wihina nlaleye ovanene, nnakale owegeredheyene wihina osogolo anamathonga yanikoddiha olaleya nidhowegeve nlaleyaga. — 1 Tessalonicenses 2:2.

3. Mwahaya bwaddi ovilela mudhidhi woharahariwa onanikavihera?

Kaavo anadhiveliwa oharahariwa. Mbwenye naharahariwaga nroromelo nehu nnakala nolibanene. Nnothabwa wandana ni Yehova mwaha nnowoona Yehova anikaviheraga ogonjhiha dhithu nahandihu ogonjhiha ni kopolo dhehu. (Omwileri Tiago 1:2-4.) Yehova kanahagalala aanoonaga noonaga goyi. Mbwenye anoothabwa ohagalala oonaga wihina ninna ovilela. Bibliya anosoriha egihina: ‘Akala munna wavilelana makathamiho mwaha werana dhithu dhapama eyo enomuhagalasa vanlubale Mulugu.’ (1 Pedro 2:20) Yehova anopaganya wavaha egumi yohimala aatene yaale enaavilele ofiyera omakuthulo ni wavaha elabo muhunakale oharahariwa. — Mateus 24:13.

OHUDHERE DHITHU DHIMODHA

4. We podi ogonjhiha wiiddiwaga vamuralani

Yesu ohuwoga wihina kahi wi athu aatene avamuralani enerege ofuna wi nimulabelege Yehova. Mmwileri Mateus 10:34-36, mwamala muthapanyedhe nikoho nnaharela:

• Akala muthu vamuralani ohuthoma omulabela Yehova enaapadduwe ddi?

VIDIYU: Yehova ohunithana wi nikale epaddaaye (5:13)

• Were ddi ahakale wi mmudhaawo obe mukwawo kanafuna wi omulabelege Yehova?

Mmwileri Salmo 27:10 ni Marcos 10:29, 30, mwamala wileri kadda yolebela, muthapanyedhe nikoho nnaharela:

• Mpaganyo ola wa mBibliyani onuukavihere aavi wiiddiwaga namudhawo obe nakwawo?

5. Odideleve omulabela Yehova naarive oharahariwaga

VIDIYU: Oliba murima naarive niharahariwaga (6:27)

• Dhopadduwa dha nvidiyuni muna dhinalibiha aavi nroromelo nawo?

Mmwileri Atos 5:27-29 ni Hebreus 10:24, 25, mwamala wileri kadda yolebela, muthapanyedhe nikoho nnaharela:

• Mwahaya bwaddi ekala yapama odidelave omulabela Yehova naarive mabasa ehu oolaleya ni mutugumano dhehu dhikoddihiwaga?

6. Yehova anere wukavihera ovilela

VIDIYU: Yehova anere ogivaha kopolo (3:40)

• Nvidiyuni muna, yakavihere addibila ale okalave oovilela ddi?

Mmwileri Romanos 8:35, 37-39 ni Filipenses 4:13, mwamala wileri kadda yolebela, muthapanyedhe nikoho nnaharela:

• Dholebela ndha dhinalibiha aavi nroromelo nawo yowihina enowenyeya ogonjhiha dhoweha?

Mmwileri Mateus 5:10-12, mwamala muthapanyedhe nikoho nnaharela:

• Mwahaya bwaddi egandeya okalave oohagalala naarive oharahariwaga?

OVIRISEDHA

Yehova anoothabwa ovaha thima wilibihera wehu wihina nimulabele naarive niharahariwaga. Nnikavihero naaye, nnere wanda ovilela!

Ogwaddela

• Mwahaya bwaddi makiristawu egajheha oharahariwa?

• Ethu baani onafwaneleliwe werana mudhidhi yola wihina wiwegeredhe oharahariwa wafiya?

• Enuvaha ebaribari ddi wihina naarive niharahariwaga podi omulabela Yehova?

WEGI ONONE DHITHU DHIMODHA

Woone makalelo mulobwana dhala avileliye nuvokedhiwa mukambura mwaha ohukosa epaddi yelabo.

Ovilela naarive eharahariwaga (2:34)

Woone ethu yakavihere anamatelana dhaala okalave oororomeleya mwari mwa yakadhene naarive eharahariwaga.

Nnomulabela Yehova naarive nifwanyiwaga mudhidhi woorusa (7:11)

Woone makalelo ooliba murima nuharahariwa.

“Wiwegeredhe ovanene mwaha oharahariwa onadha” (A Sentinela, Julho a 2019)

Woone mwahaya bwaddi kannahowela otikina naharahariwaga ni amudhihu. Teto woone makalelo okannave murenddele ni ororomeleya wa Yehova naarive oharahariwaga.

“Ebaribari ‘kinadhana murenddele, mbwenye supadda’” (A Sentinela, Outubro a 2017)