Athu a mwilaboni yatene, ehikanna monelo wohiyana-iyana wodhela dhoong’wa. Amodha malabo mamodha enodhiveliwa ong’wa vamodha naakwiwa. Mbwenye amodha kinang’wa. Teto amodha enong’wa ofiyedha olezela. Ki Bibliya anawoga ddi wodhela muselu oyo wa dhoong’wa?

1. Ong’wa ethu yabure?

Bibliya kanawoga wi ong’wa ethu yabure. Mbwenye, anowoga wi ‘vinyu enohagalasa murima wa muthu,’ ni madhu yayo enowoneya wi ong’wa nvaho wa Mulugu. (Salmos 104:14, 15) MBibliyani munoofwanyeya alobwana ni ahiyana yang’wa. — 1 Timóteo 5:23.

2. Bibliya anaavaha dholaga baani ale enathoma ong’wa?

Yehova anihina ong’wa ofiyedha olezela yothega. (Gálatas 5:21) Bibliya onihina: ‘Kawitaganyihedhege naale enafilela mento vinyu.’ (Provérbios 23:20) Bumwahaya, akala nihithoma ong’wa sapama ong’wa mwamakalelo owezeya, naarive nigari yekihu. Muthu athabwa olezela kanubuwela pama ni kananda osugwera dhithu anawogiye obe aneriyena. Ohiya eyo, podi widhelana makathamiho mwigumini. Akala nang’waga kannanda wipimelela, yere owomela ohiyawene ong’wa.

3. Ki nnaarihe aavi dhothoma dhaathu amodha?

Ong’wa yothoma ya kadda muthu. Akala muthu ohuthoma ong’wa mowezeya kanimutorihege. Teto kanimuwaddihedhege muthu ong’wa. (Romanos 14:10) Akala athu amodha enootakaleliwa nang’wa yere okala yapama ohung’wa egari vevene. (Omwileri Romanos 14:21.) Iyo kannasayela ‘dhofuna dhehu baahi, mbwenye dhofuna dhaathu amodha.’ — Mmwileri 1 Coríntios 10:23, 24.

OHUDHERE DHITHU DHIMODHA

4. Othome akala sapama ong’wa obe naari

Yesu oonelamo aavi wodhela muselu wong’wa? Matikiniho oobajha awerilena Yesu enonikavihera ofwanya yowakulaya. Mmwileri João 2:1-11, mwamala muthapanyedhe makoho enaharela:

• Matikiniho awerilena Yesu enanikavihera aavi onona moonelo waye wodhela (1) ong’wa ni (2) muthu anathoma ong’wa?

• Woona wihina Yesu kasorihile wihina ong’wa ethu yabure, makiristawu yawonege aavi ale enathoma ong’wa?

Naarive ehiri yabure mukiristawu ong’wa, eyo kinatapulela wihina ong’wa ethu yinlubale yamwigumini. Mmwileri Provérbios 22:3, mwamala muthapanyedhe makalelo ponto dhinaharela dhinavoloweliwa dhothoma dhinaharela:

• Wafunaga weddiha karo, mota, jhinga obe ethu-sithu enna mutori.

• Wakanna wari.

• Mediku awoga egi kung’we.

• Akala kunanda opima wang’waga.

• Akala malamulo enihina kung’we.

• Akala ori ni muthu ahiyile ong’wa mwaha kala kaanda opimelela.

Akala ori vamateloni obe mwaredhaga sapama wavaha athu dhoong’wa? Enukavihere ddi othoma dhithu dhapama? Musugwe VIDIYU.

VIDIYU: Gavahe athu dhoong’wa? (2:41)

Mmwileri Romanos 13:13 ni 1 Coríntios 10:31, 32, mwamala wileri kadda dholebela ndha, muthapanyedhe nikoho nnaharela:

• Wahara malagano ala enuukavihere aavi othoma ethu enamuhagalase Yehova?

5. Othome muddidda wawo wong’wa

Akala ohuthoma ong’wa, kuddiwale: Yehova kanakoddiha ong’wa, mbwenye anakoddiha olezela. Mwahaya bwaddi? Mmwileri Oseias 4:11, 18, mwamala muthapanyedhe nikoho nnaharela:

• Muthu alezela ethu baani enampadduwele?

Enaanikavihere ddi ohuthabwiha ong’wa? Sapama okala owezeya obe onona manddile ehu. Mmwileri Provérbios 11:2, mwamala muthapanyedhe nikoho nnaharela:

• Mwahaya bwaddi ekala yapama okanna mpimo wawo wafunaga ong’wa?

6. Dhithu dhinaakavihere ale enathabwa ong’wa

VIDIYU: ‘Miyo gahigomana egumaga’ (6:32)

• Nvidiyuni, Dmitry akala aavi?

• Oliye ahanda ohiya ong’wa dila yobajha aaxinxiye?

• Ki andile aavi ohiya ong’wa?

Mmwileri 1 Coríntios 6:10, 11, mwamala muthapanyedhe makoho enaharela:

• Olezela makathamiho manlubale?

• Enoniha ddi wihina muthu anathabwa ong’wa podi osaddula egumaye?

Mmwileri Mateus 5:30, mwamala muthapanyedhe nikoho nnaharela:

• Nladdaniho na Yesu wodhela ogwadda nlada, afuna oonihe wihina malabo mamodha enohoweleya ohiya dhithu dhinanidhivela wi nimuhagalase oliye. Wihina ogonjhihe elemelelo yolezela enahoweleya were ddi?a — Osugwe nota.

Mmwileri 1 Coríntios 15:33, mwamala muthapanyedhe nikoho nnaharela:

• Akala ohukanna akwawo enathabwa ong’wa, mweddelo oyo onapathe aavi egumawo?

OVIRISEDHA

Ong’wa nvaho munlubale wa Yehova, mbwenye oliye anokoddiha othabwa ong’wa obe olezela.

Ogwaddela

• Bibliya anawoga ddi wodhela muselu wong’wa?

• Makathamiho baani enanfwanya muthu anathabwa ong’wa?

• Nnaarihe aavi yothoma yaathu amodha?

WEGI ONONE DHITHU DHIMODHA

Azombwe enathome aavi dhithu dhapama wodhela muselu dhong’wa?

Orajhihe wipendda ohunathi ong’wa (2:31)

Woone makalelo ogonjhiha makathamiho oolezela.

“Opimelela wang’waga” (A Sentinela, 1.º a Janeiro a 2010)

Sapama makiristawu ogumaniha kopo yang’waga?

“Makoho Aanamileri” (A Sentinela, 15 a Fevereiro a 2007)

Wileri yopadduwa “Miyo gaari ‘tambori notorowa’” wihina woone makalelo mulobwana dhala ahiliye olezela.

“Bibliya anosaddula egumi yaathu”(A Sentinela, 1.º a Maio a 2012)

Kadda muthu ohukanna mukalelo waye wowara ni wowiyegeredha. Mbwenye mBibliyani ehikalamo malagano enanikavihera owara dhithu dhinanidhivela wula nihalumpe malamulo a Yehova. Vano kabeni nawoone malagano ayo.

1. Ethu baani enaanikavihere osakula muwarelo wehu ni makalelo ehu owiwegeredha?

Iyo niri adhaari a Yehova, bumwahaya sapama okala owegeredheyene ni owara ni mukalelo ‘wohivaha manyazo, wofwanelela ni wapama.’ Ni makalelo yala nnowoniha ‘nroromelo nehu [obe omwebedha wehu] Mulugu.’ (1 Timóteo 2:9, 10) Wasugwe malagano mannayi: (1) ‘Dhowara dhehu dhikalege dhofwanelela.’ Podi wihina omutugumano ohona wi Anamona a Yehova ehikanna muwarelo wohiyana-iyana. Mbwenye dhowara dhewa ni makalelo ewa osamalela mathithi enowoniha wihina enoomuriha Mulugu, Yehova. (2) Dhowara dhehu ‘dhihivahege manyazo’, obe dhihonihege mwili wa muthu, newene kaniwarege dhowara wi nathukulena athu murima. (3) Nnowoniha wi nihikanna “mukalelo wapama” nahiharaga moda obe elemelelo yothimagelaga kadda yowara enakuma. (4) Ekalelo yehu yonihege “nroromelo ninnihuna ni Mulugu,” obe nawonihage athu atene wi nnamwebedha Mulugu ebaribari. — 1 Coríntios 10:31.

2. Mukalelo wehu wowara onaapatha aavi addibilihu?

Ebaribari wihina iyo podi osakula dhowara nnafunihu, mbwenye sapama wubuwela makalelo muwarelo wehu onapathiwa athu amodha. Nnowilibihera wihina dhowara dhehu dhihakwakwathusege athu amodha. Mbwenye nnafuna ‘nahagalase amwanddamani ehu ni nalibihe.’— Omwileri Romanos 15:1, 2.

3. Muwarelo wehu onaavahe aavi onamona ndina na Yehova?

Mudhidhi watene niwarege dhowara dhofwanelela, thabwa-thabwa nadhowaga omutugumanoni ni mmabasani olaleya. Kannafuna wi dhowara dhehu dhakwakwathuse athu, dhathukulelaga ohuvuruwana muthenga nnalaleyihu. Mbwenye, nnafuna niware mwamakalelo ‘enathithimiha dhohudhiha dha Mulugu ehu,’ dhathukulelaga athu ohudhera wodhela Yehova. — Tito 2:10.

OHUDHERE DHITHU DHIMODHA

4. Owara ni makalelo apama onowoniha wihina nnomuriha Yehova

Ethu yinlubale enanithukulela othuwa-thuwela muwarelo wehu ddi? Mmwileri Salmos 47:2, mwamala muthapanyedhe makoho enaharela:

• Iyo nnonvaha onamona Yehova. Onamona ngo onavolowela aavi makalelo ehu owara?

• Ononamo wihina nnohowela othuwa-thuwela muwarelo wehu obe makalelo nrihu nadhowaga omutugumanoni obe mmabasani olaleya? Mwaha waddi?

5. Makalelo othoma dhithu dhapama wodhela muwarelo wehu ni makalelo ehu owiwegeredha

Musugwe VIDIYU.

VIDIYU: “Mweregena dhithu dhatedhene wihina munvuwihe Yehova” (10:18)

Dhowara dhehu kadhinahoweleya okala dhokwima, mbwenye dhikalege dhofuladhene ni dhiwananege ni mburoya nnayihuwo obe nirihuvo. Mmwileri 1 Coríntios 10:24 ni 1 Timóteo 2:9, 10. Mwamala muthapanyedhe ethu enanithukulela ohuwara dhowara . . .

• dhowara dhohufwanelela obe dhinathabwa ovahiwa thima ni elabo.

• dhomaga, dhokwiva, dhowonela obe dhimodhadhene dhinoniha mwili wa muthu.

Kale Yehova ahavaha amwaana Ezarayeli malamulo ohiyana-iyana amulabihedhaga Moses. Peeno makiristawu kinawiwelela malamulo ayo. Mbwenye, malamulo ayo enonihudhiha makalelo owubuwela a Yehova. Mmwileri Deuteronómio 22:5, mwamala muthapanyedhe nikoho nnaharela:

• Mwahaya bwaddi nigahowela orabela dhowara muhiyana aneriye awara okalaga ninga mulobwana vano mulobwana awara okalaga ninga muhiyana. Ni mweddelo ola ahiyana eni yasatha mathithi okalaga ninga alobwana vano alobwana waaluwa mathithi okalaga ninga ahiyana?

Mmwileri 1 Coríntios 10:32, 33 ni 1 João 2:15, 16, mwamala muthapanyedhe makoho enaharela:

• Ekalele ddi yapama wikoha ayi: ‘Ekalelo yaga yere omutakalela ddibila mmulogoni obe muthu a vamuruddani vaaga?’

• Athu a murudda waga enawara ni eniyegeredha aavi?

• Ononamo wi mukiristawu ere ofwanelela owara obe wiwegeredha ni makalelo yayo? Mwaha waddi?

OVIRISEDHA

Nathoma dhithu dhapama wodhela makalelo owara ni owiwegeredha, nnowoniha wi nnomuriha Yehova ni nnowariiha athu amodha.

Ogwaddela

• Mwahaya baddi muwarelo wehu ni makalelo ehu owiwegeredha ekala athima vamentoni va Yehova?

• Dholaga baani dha mBibliyani dhinanikavihera wodhela makalelo owara ni owiwegeredha?

• Muwarelo wehu onaavahe aavi onamona wapama obe wabure ndina na Yehova?

WEGI ONONE DHITHU DHIMODHA

Woone makalelo dhowara dhawo dhinawogiwa wodhela we.

“Gwarda ropawo anawoga ddi wodhela we?” (Epaddi ya mu jw.org)

Woone mwahaya bwaddi ekala yapama orajhiha wubuwela ohunamukose tatuwaje.

“Bibliya anawoga ddi wodhela tatuwaje?” (Epaddi ya mu jw.org)

Wawone malagano a mBibliyani enukavihere othoma dhithu dhowara.

“Dhowara dhawo dhinowoniha wihina onomulabela Mulugu?” (A Sentinela, Setembro a 2016)

Woone makalelo muhiyana dhala arumedhiye mukalelo wowara wa athu amodha.

“Mukalelo waga wowara ni wowiyegeredha wogikwakwathusa” (Despertai!, 22 a Dezembro a 2003)