Thaya “watama wamira manjhe”

Mudhidhi wowinjhivene mamwene ehikavihera nlogo na Yehova. (Esd 6:1-12; Est 8:10-13) Malabo a peeno nnowoona ‘thaya’ — enatapulela anamathonga enna murima wapama — emarihaga ‘mwihinjhe’ dhoharahara, anatota Saddana Ddiyabo. (Ap 12:16) Yehova, Mulugu ananivulusa, podi wakavihera adhari aye aalabihedhaga anamathonga.​—Sal 68:20; Pr 21:1.

Ki wafugeliwa mukambura mwaha wa nroromelo nawo? Okalena ebaribari wi Yehova ali epaddi yawo kanunyanyale. (Gén 39:21-23; Sal 105:17-20) Nroromelo nawo nnere orelihiwa ni ovilela wawo onere walibiha addibila eelabo yatene. — Fil 1:12-14; Ap 2:10.

OSUGWE VIDIYU ADDIBILA ELABO YO COREANO EKUMIHIWAGA MUKAMBURA, WAMALA WAWAKULE MAKOHO ALA:

• Mwahaya bwaddi addibila owinjhiva egafugeliwa mukambura elabo yo Coreia do Sul?

• Malamulo yakavihere addibila okumihiwa mukambura baavi?

• Onaakavihere addi addibila efugeliwe mukambura?

• Ofuru ninnihuna ovanene nilabihedhege addi?

• Anamariha muladdu ninkalihuna nanamathonga baani?