Onande Addi, Okala Namalaleya Apama

EKALELE DDI YOFUNEYA: Addibila othikitheriwa ni mambila mamodha enowawithana athu atene ‘enafuna wi edhe yang’we manjhe eegumi mwamahala.’ (Ap 22:17) Yoladdaniha eyo ya manjhe enatapulela mareliho atene a Yehova anavahiye adhari aye wi yoobowe muuthegani ni muukwani. Wihina naaddiginye murima athu a dhilemelelo ni dhorumela dhohiyana-hiyana, nnohowela othapanyedha ‘muthenga dhapama’ ni mukalelo oomuddiginya murima kadda muthu. —Ap 14:6.

NNANDE ADDI:

• Osakule museluya ni dholebeladha dhinaaddiginye murima dhaathu a murudda wawo. Podi otajhiha muselu dhothapanyedha mmalaleyelo, dhinukavihere. Muselu baani ni yolebela baani enaakavihere athu? Malabo yala epadduwe ddi vamuruddani? Wanfwanya mulobwana obe mwihiyana muselu baani onaawogiwe?

• Walojhelaga athu othapanyedhege dhilemelelo dhinawogiwesa vamuruddani vawo. —2Co 6:3, 4

• Wanone ni okanne malivuru ehu oohudhihana ni vidiyu wi omonihe muthu anna efunelo.

• Wakitihe malivuru ni ewogelo yathuya onafwanyiwe vamuruddani vawo.

• Orugunuse makalelo awo othapanya wi omuddiginye murima mwanamurala. (1Co 9:19-23) Motajhiha, wawoge muselu baani wahanone wi nyumba ya mwanamurala onayiwe ohukweliwa ovaneneve?

OSUGWE VIDIYU, WAMALA WAWAKULE MAKOHO ALA:

• Muselu baani namalaleya athapanyedhihe ni mwanamurala?

• Yampadduwela mwanamurala ole ddi?

• Mudhidhi yole, yahoweleya yolebela baani? Mwahaya bwaddi?

• Onaarugunuse addi, muselu dhawo wihina oddiginye murima dhaathu murudda onakaliwe?