OHUDHERA 1

Wambele ni mukalelo wapama

Atos 17:22

ENAHOWELEYA WERE DDI: Omambelelowene owoge ethu enathukule murima ale enuvuruwana, otapulele pama mwahaya ni watonyihedhe mwahaya bwaddi museluya odhe okalege woofuneya wa aliwa.

ONANDE ADDI:

Wahiye athuya efunagave wiwa. Olabihedhe nikoho, owoge thalako enoniwe, owoge dhopadduwa obe owoge wodhela makalelo enakale elabo mangwana.

Ohunathi, wubuwele dhithu dhinadhivela ni dhithu dhinathuwathuwiha wihina owoge dhithu dhendho.
Kukathamihe mwahaya. Athuya enohowela wonelamo pamadhene museluya ni mwahaya bwaddi onawogiwe muselu yole.
Watonyihedhe mwahaya bwaddi museluya okaleliwa wofuneya. Owoge ethu enakavihere athuya. Aliwa enohowela onona muselule onakavihere addi mwegumini mwewa.

Wegeredhaga mwaha wa vathaddo, wubuwele: ‘Makathamiho baani enafwanya addibila ammulogoni?’ Windo, wambelaga wegeredha mwaha wa vathaddo wiwananihege ni dhohowela dha addibila.