OHUDHERA 7

Owogege dhebaribari

Lucas 1:3

ENAHOWELEYA WERE DDI: Osayele muselu dhinawoga ebaribari wihina wakaviherena ale enuvuruwana wonelamo pamadhene.

Osayele muselu dhororomeleya. Walabihedhe madhu a Mulugu eniwanana nile onawogiwe, dhenyeya wilerigi mBibliyanimwene. Akala onafuna owoge wodhela siyencia, dhopadduwa, thalako obe muselu dhimodha wabihege osayela akala sebaribari naari akala dhikumelele ovanene.
Wahitapulele ethu emodhene. Akala onotapulela yolebela, otapulele mubuwulelo wa mBibliyani ni olabihedhe ele gaboro ororomeleya ni athotho anawogiye mmalivuruni mwehu wodhela muselu yoyo. (Mat. 24:45) Wawogaga muselu dhimodha dhahili dhehu, kusaddule ebaribariya enawoga mwahole.

Pole-pole “wenjhedhedha” ebaribari yahinawogiwa, ni enatonyiwa. “Athu amodha” enohiyana ni owoga “athu owinjhiva”, “malabo mamodha” enohiyana ni owoga “mwalabwene”, “eyo podi opadduwa” enohiyana ni owoga “eyo enere opadduwa”.
Dhatedhene onawogiwe wubuwelege vamodha naliwa. Wamala wileri yolebela ele obe watonya vikumihiliwe wakosege makoho ni makalelo apama, olabihedhege dhotajhiha obe oliganihaga mwamakalelo yahinarusuge wonelamo yekiwa.