MWEDDELO WEHU WEKIRISTAWU
Musonkano dha vayaka—ofuru wowoniha odhivela naaddibila
Mwahaya bwaddi musonkano dhehu dhiganidhivela? Ninga dhapadduwa naamwaana Ezarayeli mudhidhi wa mathanga ewa, musonkano dha peeno dhinnanivaha ofuru womwebedha Yehova vamodha ni mazana-a-mazana obe matxikwi-a-matxikwi aaddibilihu. Yojha yomuzimuni nnakelihu omusonkanoni ennanihagalasa vanlubale. Teto nnodhiveliwa okala omusonkanoni naakwihu vamodha ni emudhi yehu. Iyo nnowilibihera vanlubale wihina nihijhombe malabo ala mararu a musonkano wihina nimutamalele Yehova wodhela nvaho ola.
Natugumana naaddibilihu sapama wawoniha odhivela, wodhela osogoliha dhofuna dhewa opitha dhehu. (Gál 6:10; He 10:24, 25) Neragana dhithu ninga ofugula musiwo wihina muthu akume ookoya mburo nnahowelihu baahi, nnowoniha wihina nnohela mburo woroma dhofuna dha addibila opitha dhofuna dhehu. (Fil 2:3, 4) Omusonkanoni we ohukanna ofuru wokanna akwawo axa. Porogarama ahinabajhe, nakuma enterevalo obe naweruwa we podi othapanya ni muthu ohumunoniliwe. (2Co 6:13) Akwihu nnanonanihu omusonkanoni ba malabo matene! Ohiya eyo athu amodha ehinamulabela Yehova yonaga odhivela webaribari ninnihuna mmodha ni mukwaye podi ofunaga ohudhera ebaribari wodhela Yehova. — Jo 13:35.
OSUGWE VIDIYU, MUSONKANO DHINDDIMUWA “ODHIVELA KUNAMALA”!, WAMALA WAWAKULE MAKOHO ALA:
Addibila yonihe addi odhivela ni addibila amodha eelabo dhimodha musonkano dhinddimuwa dha 2019?
Mwahaya bwaddi odhivela ni wiwanana wa nlogo na Yehova wikala wootikiniha?
Ethu baani addibila amodha a Nikuru Nolamulela ewogiliwa wodhela odhivela enna makiristawu?
Onere ddi wihina wonihe odhivela vamusonkanoni?
Odhivela wakavihere addi addibila eelabo yo Alemanha ni yo Coreia do Sul okala mwimodhani?
Ki iyo nithome werana ddi?