Thalo baani weriliwena wihina ofiyedhe obaddiziwe?
MWEDDELO WEHU WEKIRISTAWU
Osakule omulabela Yehova
Oli namalaleya oohubaddiziwa obe oli namahudhera a Bibliya, onofuna obaddiziwa? Mwahaya bwaddi sapama wubuwelaga obaddiziwa? Wipeleka ni obaddiziwa winofugula musiwo wihina okanne wandana wavayekiwa ni Yehova. (Sal 91:1) Ohiya yeyove muthu anabaddiziwa podi ovulusiwa. (1Pe 3:21) Thalo baani onahoweliwe werana wihina obaddiziwe?
Wonelemo wihina ele onahudheriwe ebaribari. Wanganyedhaga, wilibihedhe wihina ovede mmalivuruni mwehu muselu ohunoneliwemo pama wihina wonelemo. (Ro 12:2) Wubuwele dhithu baani onahoweliwe wera wihina osaddule egumi yawo, ni wilibihedhe osaddula egumawo wihina omuhagalase Yehova. (Pr 27:11; Ef 4:23, 24) Olobelege wa Yehova olobaga nikavihero. Kahiyo wanganyedhaga akala Yehova anere wuvaha kopolo onahoweliwe ni akala anere wukavihera obe naari. (1Pe 5:10, 11) Wilibihera wawo winere odhana mareeliho, mwaha omulabela Yehova makalelo apama ojhavo egumi! — Sal 16:11.
OSUGWE VIDIYU THALO DHINUKAVIHERE OBADDIZIWA, WAMALA WAWAKULE MAKOHO ALA:
Makathamiho baani yagonjhihe addibila amodha wihina efiyedhe obaddiziwa?
Enahoweleya were ddi wihina okanna nroromelo nnuthukulele wipeleka wa Yehova?
Dhithu baani dhaathukulela addibila amodha ofiya obaddiziwa?
Mareeliho baani Yehova anavahiye ale enathoma omulabela oliye?
Wipeleka ni obaddiziwa enatapulela ddi?