Kampanya ya vayekiwa ohudhihiwa wa Bibliya mweri wa Setembro

Mweri ola wa Setembro, nnere wilibihera okavihera kadda murala okanna ohudhera wa Bibliya, nlabihedhaga buruxura Ofwanye egumi yohagalasa ya malabo amatene!. Anamalaleya yafuna podi okala apiyonero ookavihera ni wavelela mawora 30. Kampanya ela yolaleya enedde nimakalelo baani?

• Othapanya wobajha: Omoonihe mwanamurala odduli wa buruxura wihina omuddiginye murima ni ofugule ohudhera wa Bibliya. Wawubuwele athu yonihe efunelo, vamodha naaleya wanniwena ofuru wowawaredhela. Naari akala kale kiyaafuna osuza, aliwa podi ofuna ohudhera ni odhiveliwa buruxura nna nixa. Kaneeke mukartani obe kanihiyege buruxura nna vaade va muthu ahinna efunelo. Komisawu ya mabasa ya mulogo podi wegeredha mutugumano dhimodha mweri yoyo wihina mabasa oolaleya epariwe ni makalelo apama.

• Makalelo mamodha owawenjhedhedha mabasa oolaleya: Akala mulogo wawo onolabihedha karinya yolaleyana, wekemo buruxura Ofwanye egumi yohagalasa ya malabo amatene! Teto wawaddele ale enoniha efunelo yomuhudhera Bibliya wihina enere omuhudheraga elabihedhaga buruxura nna yahilinve korowa. Mohilegela omonihe makalelo anahudheriwa Bibliya mudhidhi yoyo, obe mpangane othapanya mudhidhi mmodhaya. Namaholela a mabasa podi wathoma addibila yaxagenle mabasa oolaleya wihina yalaleye mwinperezani dhohiyana-hiyana. Teto we podi wahudhiha Bibliya akwawo omabasani, oskola obe athu amodhaya a murudda wawo.

Yesu ohuniruma wi ‘nalaleye athu wihina ekale anamahara’ ‘naahudhihaga.’ (Mt 28:19, 20) Nnojhehera wihina kampanya ela ya vayekiwa enere onikavihera wakwaneliha yolebela ela ya Mateus 28:19, 20, nlabihedhaga buruxura Ofwanye egumi yohagalasa ya malabo amatene!