Wiyeviha

Nlagano: ‘Nuwiyeviha, mwawonege athu amodha okala anlubale wupithani nyu.’ — Fil. 2:3.

Ethu erilena Pawulo

Murumiwi Pawulo agamageleliwe ni gwarda, onowoga ni nrioho ni mwene Agiripa, musadoro Festu ni Bernisi.

VIDIYU: Pawulo amulaleyaga mwene Agiripa

1. Osugwe VIDIYU, obe omwileri Dhowera Dhaarumiwi 26:2, 3. Wamala wawakule makoho enaharela:

Mudhidhi Pawulo amulaleyaga mwene Agiripa, onihile addi wihina aali owiyeviha?
Pawulo amuthithimihe aavi Yehova ni Dholebela ohiya withithimiha mwinnya? — Osugwe Dhowera Dhaarumiwi 26:22.

Nnahudhera ddi ni Pawulo?

2. Muthenga nnalaleyihu wegi odahinye murima waathu nnohowela owoga mwamakalelo owiyeviha ni a nriho.

Omutajhihe Pawulo

3. Kuwogege nuuwithukula. Kuwogege mwamakalelo enoniha wihina ohunona dhithu dhatedhene, mbwenye muthu onamuwogiwena kanonne ethu. Owoge nuliye mwamakalelo a nriho.

4. Wonihe wihina dhatedhene onahudhihiwe dhinadhela mBibiliyani. Mubuwelo onafwanyeya mBibiliyani onadhela wa Mulugu teto podi odahinya murima dhaathu. Naamulabihedhaga Bibiliya nnowakavihera athu wunnuwiha nroromelo neewa mwamakalelo apama.

5. Okale oopwaseya. Kudidele osayela woniha wihina onawoga ebaribari. Iyo kannasayela okangana naathu. Okale owiyeviha, oopwaseya ni onone mudhidhi wovenya vaade va mwanamurala. (Pro. 17:14; Tito 3:2) Wawoga nimakalelo apama podi wera labo nimodha mwanamurala ole anere ofuna othapanya ni we.

OSUGWE DHIMODHA

Rom. 12:16-18; 1 Cor. 8:1; 2 Cor. 3:5