Muselu wa mBibliyani mutomaya munlubale bi Omwene wa Mulugu. Yehova anere olabihedha Omwene oyo wihina asaddule elabo ekale parayizu. Omwene oyo ddi? Nnonne aavi wi ohubajha othonga? Dhithu baani dherilena Omwene wa Mulugu? Ki osogolo onerena dhithu baani? Yohudhera ela ni dhimodha biili dhinaharela nnere wawakula makoho ala.

1. Omwene wa Mulugu ddi, ki Mwene a Omwene ola baani?

Omwene wa Mulugu onamathonga opaddusiwe ni Yehova. Mweneya di Yesu Kiristu, oliye anathonga agaari odhulu. (Mateus 4:17; João 18:36) Bibliya anihina Yesu: ‘Anere othonga malabo amatene.’ (Lucas 1:32, 33) Mwaha okala Mwene a Omwene wa Mulugu Yesu anerege wathonga athu aatene amwilaboni yavati.

2. Baani anathongege vamodha ni Yesu?

Kanathongege yekaye. Athu ‘a mahimo, malogo ni dhiwogelo dhatedhene . . . enere othonga elabo vamodha ni Yesu.’ (Apocalipse 5:9, 10) Athu angasi enathongege vamodha ni Kiristu? Okuma kale Yesu agari mwilaboni ofiyedha matxikwi ni matxikwi aathu ehithoma okala makiristawu. Eyo enatapulela wihina makiristawu aamatene enadhowa yathonge vamodha ni Yesu? Naari. Enadhowa yathonge vamodha ni Yesu eri athu owakwana 144000. (Omwileri Apocalipse 14:1-4.) Mbwenye muthithi wamutene wa makiristawu enere okala nlogo na Mulugu mwilaboni yavati. — Salmos 37:29.

3. Mwahaya bwaddi Omwene wa Mulugu okala wapama opitha onamathongawatene wamwilaboni?

Naarive anamathonga amwilaboni exixaga werana dhithu dhapama, aliwa kinna kopolo dhowerana dhatedhene enafuniwa. Teto onofiya mudhidhi aliwa enahabiwiwa mpaddo ni amodhaya eniwubuwela yekiwa ni ehinafunana opama athu enathongiwa. Mbwenye Namathonga a Omwene wa Mulugu, Yesu, kadha ahabiwa mpaddo ni muthu mmodhaya. Mulugu ‘onere otikitera omwene ohunadha ogujhuliwa.’ (Daniel 2:44) Yesu anerege othonga wapela elabo yatene teto kanawonege athu amodha okala apama wahiya amodhaya. Oliye muthu oodhivela, apama, owogowa, anere wahudhiha athu wawonaga athu amodha ninga oliye anawoneliye — nuudhivela, nuupama ni wogowa.— Omwileri Isaías 11:9.

4. Omwene onna kopolo dholamulela elabo yatene

Kopolo dholamulela anna Yesu dhinopitha kopolo enna anamathonga aatene amwilaboni. Mmwileri Mateus 28:18, mwamala muthapanyedhe nikoho nnaharela:

• Ohiyana baani orivo wodhela kopolo anna Yesu dholamulela ni kopolo enna anamathonga amwilaboni?

Anamathonga amwilaboni enohabiwa omwene teto, kadda muthu analamulela epaddi vang’ono ya elabo. Ki Omwene wa Mulugu onalamulelege nimakalelo yayo? Mmwileri Daniel 7:14, mwamala muthapanyedhe makoho enaharela:

• Mwahaya bwaddi ethu yapama onona wi Omwene wa Mulugu ‘kunaagujhuliwe’?

• Mwahaya bwaddi sapama onona wi Omwene wa Mulugu onerege othonga elabo yatene?

5. Anamathonga amwilaboni enohowela ohabiwa mpaddo

Mwahaya bwaddi egahoweleya Omwene wa Mulugu ohaba mpaddo wa anamathonga amwilaboni? Musugwe VIDIYU, mwamala muthapanyedhe nikoho nnaharela

VIDIYU: Omwene wa Mulugu ddi? — Ogwaddela (1:41)

• Dhithu baani dhinereya mwaha onamathonga wamwilaboni?

Mmwileri Eclesiastes 8:9, mwamala muthapanyedhe nikoho nnaharela:

• Ononamo wi Omwene wa Mulugu onohowela wahaba mpaddo anamathonga amwilaboni? Mwahaya bwaddi?

6. Omwene wa Mulugu ohukanna anamathonga enonne dhithu dhinanipadduwela

Mwene ehu Yesu aari mwilaboni yavati ni mwili wemuthu, bumwahaya oliye anerege ‘wonelamo okwerebeya wehu.’ (Hebreus 4:15) Ohiya eyo, Yehova athomme athu owakwana 144000 wihina ethongege vamodha ni Yesu, athu ayo ba ‘malogo amatene dhiwogelo ni mahimo.’ — Apocalipse 5:9.

• Ononamo aavi onona wihina Yesu vamodha naale enathonge nuliye enowoonelamo yubuwelo dhehu ni makathamiho enanifwanya? Mwahaya bwaddi ogoona ndo?

7. Malamulo a Omwene wa Mulugu ehithabwa owomela ohiyana ni malamulo aanamathonga amwilaboni

Anamathonga enowakumiha malamulo wihina yakavihere wabarela athu. Emodhave ni Omwene wa Mulugu ohukanna malamulo. Mmwileri 1 Coríntios 6:9-11, mwamala muthapanyedhe makoho enaharela:

• Onoonamo aavi elabo yakale aavi athu aatene yiwelelaga malamulo a Mulugu?a

• Onoonamo wi Yehova anofwanelela athu aatene yawiwelelege malamulo aye? Mwahaya bwaddi?

• Enoniha ddi wi athu ehinawiwelela malamulo a Yehova podi osaddula mubuwelo wewa? (Musugwe versu 11.)

OVIRISEDHA

Omwene wa Mulugu onamathonga webaribari ori odhulu teto onere olamula mwilaboni yatene.

Ogwaddela

• Anamathonga a Omwene wa Mulugu baani?

• Mwahaya bwaddi Omwene wa Mulugu okala wapama opitha onamathonga waatene wamwilaboni?

• Dhithu Yehova anahoweliye wi athu yerena yegi ekale epaddi wa Omwene wa Mulugu siivi?

WEGI ONONE DHITHU DHIMODHA

Woone dhithu ahudhihe Yesu wodhela mburo onafwanyeya Omwene wa Mulugu.

“Omwene wa Mulugu ethu eri mmurimani mwehu?” (Epaddi ya mu jw.org)

Mwahaya bwaddi Anamona a Yehova yonaga wi sapama okala oororomeleya ni Omwene wa Mulugu ohiya onamathonga wamwilaboni?

Egaari epaddi ya Omwene wa Mulugu (1:43)

Woone dhithu Bibliya anahudhihiye wodhela a 144000 Yehova aasakuliye wihina yathonge vamodha ni Yesu.

“Baani anaya odhulu?” (Epaddi ya mu jw.org)

Emuthukulele ddi ativista dhala orumedhaga wi Omwene wa Mulugu ejhehedhelo yaathu aatene?

“Kaginonamo wihina ginohowela osaddula elabo” (A Sentinela, 1.º a Julho a 2013)

Omwene wa Mulugu obanjhe olamulela yaka ya 1914. Bumudhidhi yoyo ebanjhe malabo ookuthula wa anamathonga wamwilaboni. Nnonne aavi? Nnafuna none makalelo Bibliya asorihiye wodhela muselu oyo ni makalelo eri elabo okuma yaka ya 1914.

1. Ethu baani awogile Bibliya?

Livuru na Daniel nnonikavihera wonelamo wi Omwene wa Mulugu waabajhe othonga omagomihero wa mudhidhi onithaniwa ‘mudhidhi mitanu naminli.’ (Daniel 4:16, 17) Nuuvira yaka mazana ni mazana Yesu withana mudhidhi oyo ninga ‘mudhidhi wathomeliwe malogo’ teto oliye ohudhiha wi mudhidhi oyo kunamale. (Lucas 21:24) Ninga nnafunihu ohudhera, mudhidhi mitanu naminli dhigomme yaka ya 1914.

2. Dhithu baani dhinapadduwa okuma yaka ya 1914?

Anamahara a Yesu yahimukoha wihina enone mudhidhi waabajhe othonga Omwene wa Mulugu ni omabajho wa malabo ala okuthula. Aliwa omukoha yegi: ‘Dhego ndha dhinereye alini, yintelelo yothonga wawo ni omakuthulo wa dhithu dhatedhene sivi?’ (Mateus 24:3) Mudhidhi Yesu aakulaga ahisoriha dhithu dhowinjhiva dhaapadduwege oliye abajha othonga mumweneni wa Mulugu. Dhithu ndho sindha koddo, dala ni oddiginya wa elabo. (Omwileri Mateus 24:7.) Bibliya anasoriha makalelo yakale athu ‘malabo okuthula’ ni mwaha wa yeyo, okalawo ‘kayakalege ethu yokweya.’ (2 Timóteo 3:1-5) Okuma yaka ya 1914 ofiyedha peeno, dhithu dha dhinothabwa.

3. Mwahaya bwaddi Omwene wa Mulugu nubajha othonga dhithudha mwilaboni dhigathabwa orusa?

Yesu nuumala othomiwa wihina akale Mwene a Omwene wa Mulugu, ethu yobajha eriliyena fuuwana ni Saddana vamodha ni ademoniyu aye odhulu. Vano Saddana ogonjhihiwa. Bibliya anihina ‘oliye ohuvokeriwa elabo yavati, vamodha ni angero aye.’ (Apocalipse 12:9, 10, 12) Saddana ohuthabwa onyanyuwa mwaha ohunona wihina anere otolosiwa mowaguva. Bumwahaya, oliye anowatota makathamiho ni goyi mwilaboni yatene. Bumwahaya dhithu ndha dhithabwa orusa! Mbwenye Omwene wa Mulugu onere wamariha makathamiho amatene.

OHUDHERE DHITHU DHIMODHA

4. Dhovuhulela dha mBibliyani dhinotonya yaka ya 1914

VIDIYU: Omwene wa Mulugu obanjhe othonga yaka ya 1914 (5:02)

Mulugu ahimurohiha mwene oBabiloniya Nabukodonosori, yoroha eyo, yoniha ethu afuna werana Yehova osogolo. Daniel ahitapulela yoroha ele teto yoroha eyo yere wakwanela ni onamathonga wa Nabukodonosori teto ni Omwene wa Mulugu. — Mmwileri Daniel 4:17.a

Mmwileri Daniel 4:20-26, mwamala mulabihedhe kwaduru wihina mwawakule makoho enaharela:

• (A) Nabukodonosori arohile ddiniya? — Musugwe versu 20 ni 21.

• (B) Yapadduwe ddi ni muthanko? — Musugwe versu 23.

• (C) Yapaduwe ddi omagomihero wa “mudhidhi mitanu naminli”? — Musugwe versu 26.

Yoroha ela ya muthanko eniwanana aavi ni Omwene wa Mulugu?

YOVUHULELA (Daniel 4:20-36)

Omwene

(A) Muthanko munlubale

Ere ohiya othonga

(B) “Mmorihe muthanko” ofiyedha ‘ovira mudhidhi mitanu naminli’

Ere ohogolowela othonga

(C) “Munere ohogoloseliwa omwene weenyu”

Wakwanela wobajha . . . 

• (D) Muthanko aali aani? — Musugwe versu 22.

• (E) Ahile othonga mudhidhi baani? — Mmwileri Daniel 4:29-33.

• (F) Ethu baani yampadduwele Nabukodonosori omagomihero wa “mudhidhi mitanu naminli”? — Mmwileri Daniel 4:34-36.

WAKWANELA WOBAJHA

Omwene

(D) Nabukodonosori, Mwene oBabiloniya

Ere ohiya othonga

(E) Egavinre yaka ya 606 Yesu ahinadhe, Nabukodonosori otaduwa kuhandaga olamulela muwari mwa yaka tanu nabili

Ere ohogolowela othonga

(F) Nabukodonosori ohogolowela ninga vaariye teto obajha othonga

Wakwanela wanabili wa yovuhulela ela . . . 

• (G) Muthanko ola aali aani? — Mmwileri 1 Crónicas 29:23.

• (H) Mudhidhi baani aliwa ehiliwa othonga? Nnone avi wihina Yesu agali mwilaboni yavati aliwa kiyathonga? — Mmwileri Lucas 21:24.

• (I) Onamathonga oyo ohogolowele othonga wuuvi ni mudhidhi baani?

WAKWANELA WANABILI

Omwene

(G) Mamwene aamwaana eEzarayeli yathonga mumweneni wa Mulugu

Ere ohiya othonga

(H) Jeruzale ogujhuliwa, vano mamwene aamwaana Ezarayeli ohiya olamulela muwari mwa yaka 2520

Ere ohogolowela othonga

(I) Yesu obajha olamula odhulu ninga Mwene a Omwene wa Mulugu

5. Elabo ehisadduwa okuma yaka ya 1914

Musugwe VIDIYU.

VIDIYU: Elabo ehisadduwa okuma yaka ya 1914 (1:10)

Yesu ahiwoga makalelo yakale elabo oliye abajha othonga. Mmwileri Lucas 21:9-11, mwamala muthapanye makoho enaharela:

• Dhithu baani dhiniwanana ni yolebela ela ononiwe dhereyaga?

Murumiwi Pawulo ahiwoga makalelo yakale athu malabo okuthula a omwene wa mwilaboni. Mmwileri 2 Timóteo 3:1-5, mwamala muthapanye makoho enaharela:

• Ononamo wi athu enowerana dhithu dhisorihiwe vala?

6. Nnofuna okavihera Omwene wa Mulugu

Mmwileri Mateus 24:3, 14, mwamala muthapanye makoho enaharela:

• Mabasa manlubale enapariwa enoniha wihina Omwene wa Mulugu onna olamulela baavi?

• Onakavihere avi mabasa ala?

Omwene wa Mulugu onna othonga teto onna waddamela mudhidhi wihina Omwene ola othongege elabo yatene. Mmwileri Hebreus 10:24, 25, mwamala muthapanye makoho enaharela:

• Kadda muthu wahiyo erege ddiniya ‘oonaga wihina labo nna ninna waddamela’?

OVIRISEDHA

Dhovuhulela dha mBibliyani ni dhithu dhinereya mwilaboni ela dhinowoniha wihina Omwene wa Mulugu ohubajha olamulela. Nalaleyaga ni nadhowaga omutugumanoni nnooniha wihina nnorumedha wi Omwene wa Mulugu onna olamulela.

Ogwaddela

• Livuru na Daniel nihiwoga wodhela mudhidhi mithano naminli. Epadduwe ddiniya nufiya omakuthulo wa mudhidhi oyo?

• Enuthukulela ddiniya orumedha wihina omwene wa Mulugu obanjhe othonga yaka ya 1914?

• Onoonihe avi wihina onorumedha wi Omwene wa Mulugu onna olamulela?

WEGI ONONE DHITHU DHIMODHA

Osugwe dhithu anamawoga thalako ni athu amodha enawogiwa wodhela dhithu dhipadduwe mwilaboni okuma yaka ya1914.

“Mudhidhi ekalelo yapama esaddunwiwa mowaguva” (Despertai!, Abril a 2007)

Woone makalelo yovuhulela ya Mateus 24:14 esaddunliwa egumi ya mulobwana dhala.

“Miyo godhiveliwa ojogari beisebol ohiya dhithu dhatedhene!” (A Sentinela, n.º 3 a 2017)

Nnonne avi wi yovuhulela ya Daniel kapitulu 4 enowiwanana no Omwene wa Mulugu ?

“Omwene wa Mulugu obanjhe othonga mudhidhi baani? — Epaddi 1” (A Sentinela, 1.º a Outubro de 2014)

Nnonne avi wihina “mudhidhi mitanu naminli” dhinawogiwa va Daniel kapitulu 4 dhagomele yaka ya 1914?

“Omwene wa Mulugu obanjhe othonga mudhidhi baani? — Epaddi 2” (A Sentinela, 1.º de Novembro de 2014)

Omwene wa Mulugu onna olamulela. Mohulegela, onere odhana dhithu dhapama mwilaboni yavati. Kabeni noone dhithu dhapama dhineerena Omwene wa Mulugu.

1. Omwene wa Mulugu onaadhena avi murenddele ni opama?

Yesu Mwene a Omwene wa Mulugu, anere watolosa athu abure vamodha ni anamathonga a mwilaboni mukoddoni ya Armajedo. (Apocalipse 16:14, 16) Eyo yapadduwa, mpaganyo wa mBibliyani onihina: ‘Mohulegela, athu abure kidha ekalawo.’ (Salmos 37:10) Alabiheraga Omwene wa Mulugu, Yesu ammadhana murenddele ni opama mwilaboni yavati. — Omwileri Isaías 11:4.

2. Efunelo ya Mulugu yakwanela mwilaboni yavati egumihu enakale avi?

Kubuwela okalaga mwilaboni muri athu apama ni ororomeleya, enamudhivela Yehova ni enadhivelana! Siyeyo enapadduwege muMweneni mwa Mulugu, woona wihina ‘athu oowoma murima enere wakela elabo yavati wihina ekalegemo malabo amatene.’ (Salmos 37:29) Kavo muthu anabulelege, teto athu atene emmakalagawo malabo amatene.

3. Athu abure yatolosiwa Omwene wa Mulugu onere ddi?

Athu abure yatolosiwa Yesu ammalamulelaga muwari mwa yaka 1000. Mudhidhi yoyo, oliye vamodha naa 144 000 emmakavihera athu mwilaboni yavati okala ologomana. Omakuthulo wa yaka 1000, elabo yatene emmakala Parayizu, athu atene emmahagalalaga mwaha emmawiwelelaga malamulo a Yehova. Nuwindo Yesu ommahogolosela Ababe Omwene. ‘Ndina na Yehova nimmelihiwa’ mwamakalelo nahinelihiwigiwa. (Mateus 6:9, 10) Vano emmoneyaga pamadhene wihina Yehova Namathonga anaapwatha athu. Voharela, Yehova ammamutolosa Saddana ni ademoniyu aye vamodha ni muthu di muthu anaasakule ohiwelela onamathonga Waye. (Apocalipse 20:7-10) Mwaha wa Omwene wa Mulugu egumi enakale yologomana malabo amatene.

OHUDHERE DHITHU DHIMODHA

4. Omwene wa Mulugu ommamariha onamathonga waathu

Bibliya onnawoga egi ‘athu yathongaga enowatotela goyi amodhaya.’ (Eclesiastes 8:9) Yehova ommalabihera Omwene wi amarihe obure ola watene.

Mmwileri Daniel 2:44 ni 2 Tessalonicenses 1:6-8, mwamala muthapanye makoho enaharela:

• Yehova ni Yesu enawerele ddi anamathonga a mwilaboni naaleya enakavihera?

• Wubuwelaga dhithu dhatedhene ohudheriwe wodhela Yehova ni Yesu mwahaya bwaddi okalana ebaribari wihina otoriha wewa onaakale wapama?

5. Yesu mwene ologomana

Woona wi Yesu Mwene a Omwene wa Mulugu anere odhana dhithu dhapama wihina akavihere athu mwilaboni yavati. Musugwe VIDIYU. Vidiyu ela enere wooniha wihina Yesu onnafuna wakavihera athu ni wihina Mulugu onvaha kopolo dhowakaviherana.

VIDIYU: Yesu uhononiha dhithu dhineerena Omwene (1:13)

Dhithu enrena Yesu agaari mwilaboni yavati, dhinoniha dhithu aneriyena Mumweneni mwa Mulugu. Mareeliho baani ewogiwe vala onawunleliwe? Mwileri dholebela dha mBibliyani dhinawoga wodhela mareeliho ayo.

6. Omwene wa Mulugu ommadhana osogolo wapama

VIDIYU: Vidiyu enoniha makalelo enakale elabo osogolo (4:38)

Mmwileri Salmos 145:16, mwamala muthapanye makoho enaharela:

• Onakala avi mwaha onona wi Yehova anere ‘wakavihera efunelo ya dhithu dhatedhene dhinna egumi?’

OVIRISEDHA

Omwene wa Mulugu ommerana dhithu dhatedhe anafuna Mulugu. Ommasaddula elabo wihina ekale Parayizu, mwinaakale athu apama enamwebedhege Yehova malabo amatene.

Ogwaddela

• Omwene wa Mulugu oneelihe ndina na Yehova ni makalelo baani?

• Mwahaya bwaddi nigarumedha wihina omwene wa Mulugu onere wakwanihedha mpaganyo dha mBibliyani?

• Dhithu dhatedhene dhapama dhineerena Omwene onunleliwe woona dhakwanelaga sivi?

WEGI ONONE DHITHU DHIMODHA

Woone yotapulela ya Armajedo.

“Koddo ya Armajedo ddiniya?” (Epaddi ya mu jw.org)

Wileri wodhela dhithu dhinapadduwe mudhidhi Yesu iithaniye “mahoso manlubale.” — Matewuji 24:21

“Mahoso manlubale enatapulela ddi?” (Epaddi ya mu jw.org)

Woone makalelo murala oniwubuweliwa ogaari mparayizu.

Wiwubuwelege ogaari mParayizu (1:50)

Artigu ani: “Makoho owinjhiva yogithuwathuwiha”, woone makalelo mulobwana ampolitikani afwanyiwe dhowakula dha makoho aye.

“Bibliya anosaddula egumi yaathu” (A Sentinela, 1.º a Janeiro a 2012)