15 Rẽ poore, Wẽnnaam yeela a Abrahaam yaa: “Sã n yaa ne fo pag a Saarayi,*+ fo pa segd n le bool-a t’a Saarayi ye. Bala a yʋʋrã na n lebga a Saara.* 16 Mam na n ning-a-la barka, la m kɩt me t’a rog bi-ribl n kõ foom.+ Mam na n ning-a-la barka, la a na n lebga buud wʋsgo. Buud toɛy-toɛy rĩm-dãmb na n yii yẽ pʋgẽ.”

12 Dẽ, Wẽnnaam yeela a Abrahaam yaa: “Ra sãam f sũur ne bũmb ning a Saara sẽn yet foo biigã wɛɛngẽ, la f yem-poakã wɛɛngẽ wã ye. Kelg-a,* bala neb nins b sẽn na n bool tɩ fo yagensã na n yii a Izaak pendẽ wã.+