20 La sã n yaa ne a Ismayɛll wɛɛngẽ wã, mam wʋma fo sẽn yeelã. Ade! Mam na n ning-a-la barka, la m na n kɩtame t’a rog kamb n lebg wʋsg-wʋsgo. A na n doga nanambs piig la a yiibu, la m na n kɩtame t’a lebg bu-kãsenga.+

25 Rẽ poore, b zĩndame n na n dɩ. B sẽn wa n zẽk b nense, b yãa Ismayɛll buudã neb+ sẽn yi Galaad n tong taab n watẽ. B yʋgma wã ra zɩlga ladanom,* ne bomiye kaam* la tɩɩg pagd sẽn tar sũm.+ B ra rabda Ezɩpti.