22 Rẽ poore, a talla pe-raoog a yiib-n-soabã sẽn yaa maan-kʋʋdbã zĩnigr pe-raoogã n wa,+ t’a Aarõ ne a kom-dibli wã tik pe-raoogã zugã ne b nusi.+

25 Rẽ poore, a yãka kaamã, rat n yeel tɩ zʋʋrã sẽn yaa kaamã, kaamã fãa sẽn be yãadã zutã, sãoorã kaamã, yiim a yiibã ne b kaamã, n paas rɩtg gerã.+ 26 A tʋma bur sẽn pa ning rabɩllã yaagã sẽn da be a Zeova taoorã pʋgẽ, n yãk bur a ye sẽn pa ning rabɩll la sẽn yaa gilg wa maanfo,+ ne bur a ye sẽn yaa gilg wa maanf b sẽn maan ne kaam,+ n paas bur-paklg a ye. A rɩk-b lame n dogl kaamã b sẽn yãkã ne rɩtg gerã zugu. 27 Rẽ poore, a rɩka bõn-kãens fãa n ning a Aarõ nusẽ, la a kom-dibli wã nusẽ, tɩ b yuum-b poorẽ la taoore, tɩ yɩ maoong b sẽn yuumd a Zeova taoore. 28 A Moyiiz reega bõn-kãens b nusẽ wã n yõog tẽn-kugrã zugu, maoong sẽn yõogd bugmã zugu, sẽn na yɩl tɩ b bug-zõosã nusi. B yɩɩ maan-kʋʋdbã zĩnigr maoong sẽn tar yũ-noogo.* Yɩɩ maoong b sẽn maand ne bugum n kõ a Zeova.